Raghav Chadha latest news : खासदार राघव चड्ढा आणि ७ खासदारांच्या या बंडामुळे देशाच्या राजकारणात मोठी उलथापालथ झाली आहे. केजरीवाल यांच्या आप पक्षात पंजाब आणि दिल्लीत मोठी उलथापालथ झाली आहे. चड्ढा यांच्यासह ७ खासदार भाजपमध्ये जाण्याची शक्यता आहे. यावर पंजाबचे मुख्यमंत्री भगवंत मान यांनी भाजपवर टीका केली असून थेट महाराष्ट्रासोबत कनेक्शन जोडलेय. शरद पवार यांचा पक्ष, उद्धव ठाकरे यांचा पक्ष आणि काँग्रेस पक्ष फोडला. तोच वॉशिंग मशिनचा खेळ भाजपने पंजाबमध्ये केला असा आरोप मान यांनी भाजपवर केला.

महाराष्ट्रात शरद पवार, उद्धव ठाकरे आणि काँग्रेस पक्ष फोडण्याचे काम भाजपने केले. तोच 'वॉशिंग मशिन'चा खेळ आता पंजाबमध्ये सुरू केला असा जोरदार आरोप पंजाबचे मुख्यमंत्री भगवंत मान यांनी केला आहे. दिल्लीत आयोजित एका विशेष पत्रकार परिषदेत ते बोलत होते. यावेळी बोलताना भगवंत मान यांनी भाजपवर अत्यंत तिखट शब्दांत प्रहार केला. बंगालमध्ये ममता बॅनर्जी यांना त्रास देत आहेत. त्यांच्या हातात फक्त ईडी आणि सीबीआय आहे, असेही ते म्हणाले.

आम आदमी पार्टीचे (AAP) खासदार राघव चड्ढा यांनी पक्ष सोडण्याचा निर्णय जाहीर केल्याने राजकीय वर्तुळात खळबळ उडाली आहे. इतकेच नव्हे तर, राज्यसभेतील 'आप'च्या १० पैकी ७ खासदारांनी भाजपमध्ये प्रवेश करण्याचा निर्णय घेतल्याने पक्षाला मोठे खिंडार पडले आहे. यावर भाजपने पंजाबच्या जनतेचा विश्वासघात केला आहे. पंजाबच्या मातीत भाजपला कोणताही स्थान (आधार) उरलेले नाही," असे मान म्हणाले.

महाराष्ट्रातील पक्षफोडीचा संदर्भ देत मान म्हणाले की, भाजपने लोकशाहीचा गळा आवळण्याचे काम केले आहे आणि आता हेच संकट पंजाबवर ओढवले आहे. दरम्यान, राघव चड्ढा यांनी आप सोडण्याचा निर्णय जाहीर केला असून आपचे राज्यसभेतील १० पैकी ७ खासदार भाजपमध्ये सामील होणार आहेत. यामध्ये हरभजन सिंह यांचाही समावेश आहे. "पंजाबची प्रतिमा मलीन करण्याचा हा भाजपचा प्रयत्न आहे. भाजपने पंजाबच्या जनतेचा विश्वासघात केला असून राज्यातील चांगली कामे थांबवण्याचा प्रयत्न करत आहेत. भाजपचे स्वतःचे असे काहीही नाही. पंजाबमध्ये त्याला कोणताही चेहरा नाही, असे मान म्हणाले."