पंजाब : पंजाबमधील (punjab) ११७ जागांसाठी आज (punjab election polling day) मतदान हाेत आहे. निवडणुक आयोगाने बहुतांश ठिकाणी कडक कारवाई करीत नेत्यांसह अभिनेत्यास कायद्याचा धाक दाखविल्याची घटना घडल्या आहेत. अभिनेते सोनू सूद (sonu sood) यांना मेगा येथील लांडे गावात जात असताना निवडणूक निरीक्षकांनी अडवले. निरीक्षकाने साेनूची गाडी जप्त केली आणि त्याला दुसऱ्या वाहनातून घरी पाठवले आणि त्याला घरीच थांबण्याची सूचना केली. या कारवाईमुळे उर्वरित उमेदवारांमध्ये खळबळ उडाली आहे. (sonu sood latest marathi news)

पंजाब निवडणुकीत (punjab elections) मतदानादिवशी सोनू सूद मतदारांवर (voter) प्रभाव टाकत असल्याची तक्रार अकाली दलाचे पोलिंग एजंट दीदार सिंग यांनी निवडणूक आयोगाकडे केली होती. यानंतर निवडणूक आयोगाच्या पथकाने सोनू सूदवर लक्ष ठेवण्यास प्रारंभ केला. एका ठिकाणी अकाली दलाच्या आरोपांमध्ये तथ्य आढळल्याने साेनू याच्यावर कारवाई करण्यात आली आहे.

या प्रकरणावरुन सोनू सूदने त्याची बाजू मांडत त्याच्यावर लावण्यात आलेले आरोप पूर्णपणे चुकीचे आहेत. त्याने कोणत्याही प्रकारे मतदारांवर प्रभाव टाकला नाही. मी फक्त माझ्या समर्थकांकडून अहवाल घेत होतो असे म्हटलं आहे.

उपायुक्त हरीश नायर म्हणाले संपूर्ण प्रकरणाचा अहवाल एसएसपींकडून मागवण्यात आला आहे. आरोपांमध्ये तथ्य आढळल्यास कठोर कारवाई केली जाईल असे नमूद केले. दरम्यान आज सकाळपासून साेनू सूद आणि त्यांची बहीण मालविका सूद प्रत्येक बूथवर मतदारांच्या भेटी घेत होते. मालविका माेगा मतदारसंघातून निवडणूक लढवत आहे. या जागेवर मालविका यांची भाजप उमेदवार हरजत कमल यांच्याशी थेट लढत आहे.

दरम्यान विरोधकांकडून, विशेषत: अकाली दलाच्या लोकांकडून विविध बूथवर धमक्या आल्याची माहिती आम्हाला मिळाली. काही बूथवर पैसे वाटले जात आहेत. त्यामुळे तपास करणे आणि निष्पक्ष निवडणुका सुनिश्चित करणे हे आपले कर्तव्य आहे. म्हणूनच आम्ही बाहेर पडलो होतो. आता, आम्ही घरी आहोत असे सोनू सूदने नमूद केले आहे.

Edited By : Siddharth Latkar