पंजाब पोलिसांचे माजी महानिरीक्षक अमर सिंग चहल हे पटियाला येथील त्यांच्या घरी गंभीर जखमी अवस्थेत आढळले. त्यानंतर त्यांच्या कुटुंबियांनी त्यांना तातडीने उपचारासाठी पटियाला येथील पार्क रुग्णालयात दाखल केले आहे. डॉक्टरांनी त्यांची प्रकृती गंभीर असल्याची सांगितलीय. अमरसिंग चहल यांनी स्वतःवर गोळी झाडली, अशी माहिती कुटु्ंबियांनी दिलीय.

दरम्यान घटनास्थळावरून पोलिसांना १२ पानांची सुसाईड नोट सापडलीय. यात ऑनलाइन फसवणूक झाल्यामुळे ते आर्थिक अडचणीत आल्याची त्यांनी म्हटलंय. पोलीस अधिकाऱ्यांनी स्पष्ट केले आहे की, या प्रकरणाची सर्व बाजूंनी चौकशी केली जातेय. दरम्यान सर्व बाजूने या घटनेची तपासणी केली जाईल असं पोलिसांनी सांगितलंय.

फॉरेंसिक टीमने घटनास्थळावरून पुरावे गोळा केली आहेत. यासह कुटुंबियांतील सदस्यांचे जबाब नोंदवण्यात आलाय. दरम्यान अमर सिंग यांनी स्वत:वर गोळी का झाडली याचे कारण अद्याप कळू शकले नाहीये. तपास पूर्ण झाल्यानंतरच घटनेचे खरे कारण काय हे कळेल. पोलीस सध्या संपूर्ण प्रकरणावर लक्ष ठेवून आहेत.

दरम्यान अमर सिंग चहल यांच्या कुटुंबियांनी तक्रार केली की ते एका ऑनलाइन फसवणुकीचा बळी ठरलेत. यात फसवणूक करणाऱ्यांनी त्यांच्याकडून ८ कोटी रुपये उकाळली आहेत. त्यांनी त्यांच्या १२ पानांच्या सुसाईड नोटमध्ये याचा उल्लेख केला आहे. त्यांनी पंजाब पोलिस महासंचालकांना (डीजीपी) संबोधित केले आणि या प्रकरणाकडे त्वरित लक्ष देण्याची विनंती केली आहे.

अमर सिंग चहल हे २०१५ च्या फरीदकोट गोळीबार प्रकरणातील आरोपी आहेत. २४ फेब्रुवारी २०२३ रोजी एडीजीपी एलके यादव यांच्या नेतृत्वाखालील पंजाब पोलिसांच्या विशेष तपास पथकाने फरीदकोट न्यायालयात आरोपपत्र दाखल केले होते. यात अमर सिंग चहल याचे नावदेखील आहे. तसेच यात पंजाबमधील अनेक मोठ्या नेत्यांची नावे देखील या आरोपपत्रात दाखल आहेत.