Project Cheetah

नवर्षाच्या सुरुवातीला मध्य प्रदेशातील कुनो नॅशनल पार्कमधून आनंदाची बातमी आली आहे. मादी चित्ता आशाने ३ पिलांना जन्म दिला आहे. केंद्रीय पर्यावरण आणि वन मंत्री भूपेंद्र यादव यांनी X वर यासंदर्भात पोस्ट करून माहिती दिली आहे. प्रोजेक्ट चीता अंतर्गत आफ्रीकेतून चित्ते भारतात आणण्यात आले होते. मात्र मध्यंतरी काही चित्त्यांचा मृत्यू झाला होता. त्यामुळे या प्रोजेक्टवर टीकेची झोड उठली होती. दरम्यान आशाने ३ पिलांना जन्म दिल्यामुळे प्रोजेक्टबाबत पुन्हा आशा पल्लवीत झाल्या आहेत.

कुनो नॅशनल पार्कमध्ये सध्या १४ प्रौढ आणि चार पिल्लं आहे. यामध्य गौरव, शौर्य, वायु, अग्नी, पवन, प्रभास आणि पावक यांचा समावेश आहे. यापैकी दोनच चित्ते खुल्या जंगलात असून पर्यटकांना पाहता येतात. उर्वरित सर्व चित्ते सध्या मोठ्या बंदोबस्तात ठेवण्यात आले आहेत. मार्च२०२३ मध्ये ज्वाला या मादी चित्ताने चार पिलांना जन्म दिला होता. मात्र त्यापैकी तीन पिलांचा मृत्यू झाला. ज्वालाला नामिबियातून आणण्यात आले होते.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मंत्री भूपेंद्र यादव यांना या गोंडस पिलांचा व्हिडिओ शेअर करत, भारतातील वन्यजीव प्रेमींना शुभेच्छा दिल्या आहेत. पर्यावरण संतुलनासाठी पंतप्रधान नरेंद्र मोदींच्या प्रयत्नातून साकारलेल्या प्रकल्पाचं हे मोठं यश असल्याचं म्हटलं आहे.