महाराष्ट्राचे मुख्यमंत्री एकनाथ शिंदे यांनी राष्ट्रपती निवडणुकीसाठी मतदानाचा हक्क बजावला. शिंदे गटाचे आमदार गुलाबराव पाटील यांनीही मतदान केलं आहे.

महाराष्ट्र भाजपचे आशिष शेलार म्हणाले, एनडीएच्या राष्ट्रपतीपदाच्या उमेदवार द्रौपदी मुर्मू यांचा विजय निश्चित आहे. महाराष्ट्रातून त्यांना विक्रमी मते मिळतील, असा आम्हाला विश्वास आहे.

संसदेतही राष्ट्रपती पदाच्या निवडणुकीसाठीच्या मतदानाला सुरुवात झाली आहे. पंतप्रधान नरेंद्र मोदी यांनी आपला मतदानाचा हक्क बजावला आहे.

राष्ट्रपतीपदासाठी आज निवडणूक होत आहे. राष्ट्रपतीपदाच्या निवडणुकीत (Election) एनडीएच्या उमेदवार द्रौपदी मुर्मू आणि विरोधी पक्षाचे संयुक्त उमेदवार यशवंत सिन्हा आमनेसामने आहेत. भारताचे १५ वे राष्ट्रपती निवडण्यासाठी ४,००० हून अधिक सदस्य आज मतदान करणार आहेत.