नवी दिल्ली - गणपती बाप्पा मोरया....मंगलमूर्ती मोरया....अशा जयघोष आज सगळीकडे ऐकायला मिळत आहे. दरम्यान, पंतप्रधान नरेंद्र मोदी (Narendra Modi)यांनी देखील देशवासियांना गणेशोत्सवाच्या शुभेच्छा दिल्या आहेत. मोदी यांनी त्यांच्या अधिकृत ट्वीटर अकाऊंट वर गणरायचा फोटो शेअर करत देशवासीयांना गणेशोत्सवाच्या शुभेच्छा दिल्या आहेत. एक श्लोक शेअर करत गणरायाची कृपा कायम राहो यासाठी प्रार्थना केली आहे.

ठिकठिकाणी लाडक्या गणपती बाप्पाचं घरोघरी आगमन होत आहे.सार्वजनिक मंडळांपासून घराघरात आकर्षक देखाव्यात आणि मखरात गणराज आज विराजमान होतील. त्यामुळे आता पुढील दहा दिवस बाप्पाची सजावट, आरत्यांचे स्वर, गौराईचे आगमन, गणपती बाप्पा मोरया...मंगलमूर्ती मोरयाचा जयघोष ऐकायला मिळणार आहे. ठिकठिकाणी मूर्तीची प्रतिष्ठापना व सोहळ्याचे आयोजन केले जात आहे. गणपती बाप्पा मोरयाच्या जयघोषाने वातावरण दुमदुमले आहे.

हे देखील पाहा -

पंतप्रधान मोदींनी देशवासियांचे अभिनंदन केले

यतो बुद्धिरज्ञाननाशो मुमुक्षोः, यतः सम्पदो भक्तसन्तोषिकाः स्युः। यतो विघ्ननाशो यतः कार्यसिद्धिः, सदा तं गणेशं नमामो भजामः।। गणेश चतुर्थी की ढेरों शुभकामनाएं। गणपति बाप्पा मोरया! असे ट्विट करत पंतप्रधान मोदींनी गणेशोत्सवाच्या शुभेच्छा दिल्या आहेत.

द्रोपदी मुर्मु यांनीही दिल्या शुभेच्छा

देशाच्या राष्ट्रपती द्रोपदी मुर्मु यांनी देखील देशवासीयांना गणेशोत्सवाच्या शुभेच्छा दिल्या आहेत. ट्विट करत त्यांनी सर्व देशवासियांना गणेश चतुर्थीच्या हार्दिक शुभेच्छा. ट्विट करत त्या म्हणाल्या की, विघ्नहर्ता आणि मंगलमूर्ती भगवान गणेश हे ज्ञान, सिद्धी आणि सौभाग्य यांचे प्रतीक आहेत. श्री गणेशाच्या आशीर्वादाने सर्वांच्या जीवनात सुख, शांती आणि समृद्धीचा संचार होवो हीच सदिच्छा अशा त्यांनी शब्दात देशवासीयांना गणेशोत्सवाच्या शुभेच्छा दिल्या आहेत.