Pm Narendra Modi : पंतप्रधान मोदी 24 एप्रिलपासून सुरू होणार्‍या 36 तासांत देशाच्या विविध भागांत 5,000 किलोमीटरहून अधिकचा प्रवास करणार आहेत. हा दोन दिवसीय दौरा असणार आहे. त्यादरम्यान ते आठ कार्यक्रमांमध्ये सहभागी होतील आणि सात वेगवेगळ्या शहरांना भेट देतील.

मिळालेल्या माहितीनुसार, 24 एप्रिल रोजी दिल्लीपासून हा दौरा सुरु होणार. पंतप्रधान मोदी आधीमध्य मध्य प्रदेशमध्ये प्रवास करतील. (Latest Marathi News)

याबाबत माहिती देताना अधिकाऱ्यांनी शनिवारी सांगितले की, त्यानंतर ते दक्षिणेकडील केरळला जाणार. पुढे पश्चिमेला केंद्रशासित प्रदेशात मुक्काम करणार आणि नंतर दिल्लीत परतणार.

पंतप्रधान मोदी यांच्या दौऱ्याच्या वेळापत्रकाची माहिती देताना अधिकाऱ्यांनी सांगितले की, "पंतप्रधान 24 एप्रिलला सकाळी प्रवास सुरू करतील. ते दिल्ली ते खजुराहो असा प्रवास करतील, सुमारे 500 किमी अंतर कापतील. खजुराहोपासून ते रीवा प्रवास करतील. जेथे ते राष्ट्रीय पंचायती राज दिन कार्यक्रमात सहभागी होतील.

त्यानंतर सुमारे 280 किमीचा प्रवास करून ते खजुराहोला परत येतील. खजुराहो येथून ते कोची येथे जाणार. यावेळी ते सुमारे 1700 किमी अंतराचे हवाई प्रवास करून युवाम कॉन्क्लेव्हमध्ये सहभागी होतील.