Petrol Diesel Price : जागतिक बाजारात कच्च्या तेलाच्या किमतीत आज कोणताही बदल झालेला नाही. याआधी शनिवारी कच्च्या तेलाच्या किमतीत घसरण झाली होती. ब्रेंट क्रूड 91.63 डॉलर प्रति बॅरल आणि डब्ल्यूटीआय 85.61 डॉलर प्रति बॅरलवर विकले जात आहे. त्यात आता सरकारी तेल कंपन्यांनी पेट्रोल आणि डिझेलचे नवे दर जाहीर केले आहेत. (Petrol Diesel Price Today)

झारखंडमध्ये पेट्रोल (Petrol) 0.55 रुपयांनी वाढून 100.76 रुपये आणि डिझेल (Diesel) 95.55 रुपयांवर पोहोचले आहे. महाराष्ट्रात पेट्रोल 0.49 रुपयांनी वाढून 106.45 रुपये आणि डिझेल 92.96 रुपये इतके आहे. याशिवाय हिमाचल प्रदेशमध्ये पेट्रोलची किंमत 0.87 रुपयांनी घसरून 95.06 रुपये प्रति लिटर इतकी झाली आहे. तर डिझेल 0.74 रुपयांनी स्वस्त होऊन 81.41 रुपये प्रतिलिटर झाले आहे. पंजाब, उत्तर प्रदेश आणि राजस्थानमध्ये इंधनाची किंमतीत कोणताही बदल करण्यात आलेला नाही. देशातील दिल्ली, मुंबई, चेन्नई आणि कोलकाता या चार महानगरांमध्ये किंमतीत कोणताही बदल झालेला नाही.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

घरबसल्या जाणून घेऊ शकता पेट्रोल-डिझेलचे दर

तुम्ही आता घरबसल्या एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. त्यासाठी तुम्हाला आपल्या मोबाईलमधून RSP आणि आपल्या शहरातील कोड टाकून 9224992249 या क्रमांकावर मॅसेज पाठवावा लागेल. BPCL ग्राहक RSP आणि त्यांचा शहर कोड 9223112222 या क्रमांकावर पाठवून माहिती मिळवू शकतात. HPCL ग्राहक HPP price आणि त्यांचा शहर कोड लिहून आणि 9222201122 या क्रमांकावर पाठवून किंमत जाणून घेऊ शकतात. (Petrol Diesel Price Today)

Edited By - Shivani Tichkule