रामायणाची चर्चा आता पाकिस्तानातही सुरु आहे. कारण पाकिस्तानातील मुस्लिम कलाकारांकडून कराचीत रामलीलेचं सादरीकरण करण्यात आलयं. नेमकं प्रकरण काय? पाकिस्तानी नागरिकांनी रामलीलेला कसा प्रतिसाद दिला?

रामायणावरचं नाटक संपलं आणि प्रेक्षकांनी टाळ्याच्या एकच कडकडाट केला...रंगमंचावरील नाटकाला मिळालेला हा प्रतिसाद पाहून हे नाटक भारतातल्या एखाद्या नाट्यगृहात सादर झालं असावं असं तुम्हाला वाटत असेल.. मात्र हे रामायण सादर केलय थेट पाकिस्तानातील कराचीच्या कला परिषदेत आणि ते सादर केलय मुस्लिम कलाकारांनी

एआय तंत्रज्ञानाचा वापर करत हिंदू धर्मातील महाकाव्य असणारे रामायण पाकिस्तानातील रंगमंचावर सादर केलं गेलयं. पाकिस्तानातील 'मौज' या नाटकाच्या ग्रुपनं दिग्दर्शक योगेश्वर करेरा यांच्या दिग्दर्शनात या नाटकाची निर्मिती केलीय. नोव्हेंबर 2024 मध्ये या नाटकाचा पहिला प्रयोग झाला होता. त्यानंतर कराचीत पुन्हा एकदा या नाटकानं प्रेक्षकांची मन जिंकली..

रामायण सारख्या हिंदू धार्मिक ग्रंथावर आधारित नाटक केल्याबद्दल लोक वाईट बोलतील किंवा धमक्या देतील याची मला कधीही भीती वाटली नाही. रामायणाची कथा माझ्यासाठी प्रेरणादायी आहे आणि मला ती प्रेक्षकांसमोर तिच्या सर्व भव्यतेसह आणि सौंदर्याने आणायची होती. मला खात्री होती की पाकिस्तानचा समाज सहिष्णु आहे आणि तो हे नाटक स्वीकारेल.

पाकिस्तानी कलाकारानी सादर केलेलं हे रामायण म्हणजे एकप्रकारे रामायणाचं जगावर असेलेलं गारूडच अधोरेखित करत. धर्म- प्रांत यांच्या सीमा ओलांडून पाकिस्तानच्या रंगभूमीवर रामायण सादर झाल्यानं भारतीयांकडूनही याचं कौतुक केलं जातंय...