जम्मू-कश्मीरच्या पहलगाममध्ये झालेल्या दहशतवादी हल्ल्यानंतर भारत आणि पाकिस्तानमधील तणाव चांगलाच वाढला आहे. भारताने महत्त्वाची पावलं सुरूवात केली असतानाच, पाकिस्तानने देखील आपली कंबर कसली आहे.

पाकिस्तानने एलओसीजवळ मोठ्या प्रमाणावर युद्धसराव सुरू केल्याची माहिती समोर आली आहे. पाकिस्तानी माध्यमांच्या वृत्तानुसार, या युद्धसरावात पाक सैन्य गोळीबाराचा सराव करत असून, जड शस्त्रे आणि रणगाडे वापरत आहे.

भारताकडून पाकिस्तानविरोधात कारवाईचा इशारा मिळाल्यापासून पाकिस्तान दबावात आहे. त्यामुळेच पाकिस्तानकडून धमक्यांची भाषा आणि युद्धसराव सुरू करण्यात आला आहे. अनेक देश युद्धाच्या पूर्वतयारीसाठी अशा प्रकारचे सराव करतात.

या सरावाचा उद्देश म्हणजे, कोणत्याही आक्रमणाला योग्य उत्तर देण्याची तयारी करणे. पाकिस्तानी वाहिनी जिओ न्यूज आणि सुत्रांनी दिलेल्या माहितीनुसार, या सरावात सैनिकांनी आणि अधिकाऱ्यांनी युद्धसदृश परिस्थितीच्या सरावाला सुरूवात केली आहे.

सराव नेमका कुठे सुरू आहे?

पाकिस्तानी माध्यामांनुसार, पाकिस्तानी सैन्याचा युद्धसराव २९ ते ३० एप्रिल दरम्यान एलओसी रेषेजवळील कयानी आणि मंडल सेक्टरमध्ये पार पडले. काही अहवालांमध्ये टिल्ला टेस्ट फायरिंग रेंजचाही उल्लेख आहे. जिथे पाकिस्तानी सैन्य अनेकदा शस्त्रांच्या चाचण्या घेत असते.