नवी दिल्ली: संसदेचे सध्या हिवाळी अधिवेशन सुरु आहे. या अधिवेशनात विरोधक सरकारला अनेक मुद्द्यांवरुन धारेवर धरत आहे. मात्र, विरोधकांना उत्तर देण्यासाठी भाजपचे अनेक खासदार (BJP MP's) संसदेतच येत नाही त्यामुळे विरोधकांना आणखी संधी मिळते. संसदेच्या अनेक सत्रांमध्ये तसेच पक्षाच्या बैठकीत अनेक खासदार हे गैरहजर राहतात, त्यामुळे पंतप्रधान नरेंद्र मोदी (PM Modi) आपल्याच पक्षातल्या खासदारांवर चांगलेच संतापले असून मोदींनी खासदारांना संसदेत आणि पक्षाच्या महत्वाच्या बैठकीत नियमितपणे हजर राहण्याची ताकीद दिली आहे. (Otherwise, tough decisions will have to be taken against you - Modi warns BJP MP's)

हे देखील पहा -

नरेंद्र मोदी आपल्या पक्षातल्या खासदारांना म्हणाले की, संसदेत जर आपल्या (भाजपच्या) खासदारांची उपस्थिती कमी असेल तर सरकारच्या कामावर परिणाम होतो. मी नियमितपणे तुम्हाला संसदेत हजर राहण्यासाठी सांगत असतो, तुमच्या अनुपस्थितीचा परिणाम सरकारच्या कामकाजावर होतो. आपण लहान मुलांंना जर एखादे काम सांगितले आणि त्याने ते ऐकले नाही तर आपल्याला किती राग येतो. तर मग तुमच्या अनुपस्थितीमुळे (Absent) माझी आणि संसदीय कार्यमंत्र्यांची काय अवस्था होत असेल? असं मोदी खासदारांना उद्देशून म्हणाले.

पुढे मोदींनी खासदारांना ताकिद दिली की, मला सारखं-सारखं लहान मुलांप्रमाणे सांगायला आवडत नाही. तुम्ही संसदेच्या प्रत्येक अधिवेशनाला हजर राहिलं पाहिजे. पक्षाच्या बैठकीला हजर राहिलं पाहिजे, स्वतःला बदला आणि सुधारणा करा. अन्यथा भविष्यात तुमच्याबाबत कठोर निर्णय घ्यावे लागतील अशी ताकीदच (Warning) मोदींनी भाजपच्या दांडीबहाद्दर खासदारांना दिली आहे.

Edited By - Akshay Baisane