Political News : विधानसभा निवडणुकीपूर्वी बिहारमध्ये राजकीय घडामोडींना वेग आला आहे. निवडणुकीपूर्वी एनडीएला, त्यातही प्रामुख्याने भारतीय जनता पक्षाला धक्का बसला आहे. भाजप युतीने बिहार विधानसभा निवडणुकीसाठी जागा वाटपाची घोषणा केली. त्यानंतर एनडीएतील एका मित्रपक्षाने स्वबळावर निवडणूक लढवणार असल्याचे जाहीर केले.

उत्तर प्रदेश सरकारमधील कॅबिनेट मंत्री आणि सुहेलदेव भारतीय समाज पक्ष (एसबीएसपी) पक्षाचे अध्यक्ष ओम प्रकाश राजभर यांनी बंडखोरी केल्याची माहिती समोर आली आहे. त्यांनी बिहार विधानसभा स्वबळावर लढण्याची घोषणा केली आहे.. त्यांनी एमडीए युतीमध्ये जागा मिळवण्यासाठी प्रयत्न केले होते, पण त्यांना बिहारमध्ये एकही जागा मिळवता आली नाही.

ओम प्रकाश राजभर हे मागील काही काळापासून बिहारच्या राजकारणात सक्रीय झाले होते. ते विधानसभा निवडणुकीत स्वतःचे उमेदवार उभे करण्याची तयारी करत होते. राजभर यांना एनडीए युतीमध्ये जागा मिळतील अशी आशा होती, पण तसे झाले नाही. त्यामुळे आता राजभर हे १५३ जागांवर उमेदवार उभे करू शकतात असे म्हटले जात आहे.

भाजप युतीने बिहार विधानसभा निवडणुकीसाठी जागा वाटपाची घोषणा केली आहे. एकूण २४३ जागांपैकी भाजप आणि जनता दल युनायटेड (जेडीयू) प्रत्येकी १०१ जागा लढवतील. लोक जनशक्ती पार्टी (रामविलास) ला २९ जागा देण्यात आल्या आहेत. याव्यतिरिक्त एचएएम आणि आरएलएसपीला प्रत्येकी सहा जागा देण्यात आल्या आहेत.