प्रमोद जगताप

Sharad Pawar News: राज्याच्या राजकारणातून मोठी बातमी हाती आली आहे. राष्ट्रवादी काँग्रेस शरद पवार गट निवडणूक आयोगाला उत्तर सादर करणार नाही. शरद पवार गटाने निवडणूक आयोगाकडे ४ आठवड्यांचा वेळ वाढवून घेतल्याची माहिती सूत्रांनी दिली आहे. (Latest Marathi News)

सूत्रांनी दिलेल्या माहितीनुसार, उद्या राष्ट्रवादी काँग्रेस शरद पवार गट निवडणूक आयोगाला उत्तर सादर करणार नाही. शरद पवार गटाने निवडणूक आयोगाला 4 आठवड्यांचा वेळ वाढवून मागितला आहे.

अजित पवार यांच्या गटाने कोणती कागदपत्र दिली आहेत त्यांची यादी द्या म्हणजे त्यावर आम्हाला उत्तर देता येईल, असा मेल शरद पवार गटाने केला होता. पण त्याला निवडणूक आयोगाकडून कोणत्याही प्रकारचं उत्तर देण्यात आलं नाही, अशी माहिती सूत्रांनी दिली आहे.

शरद पवार गटाने आता पुन्हा 4 आठवड्यांचा वेळ वाढवून मागितला आहे. पण त्यावरही निवडणूक आयोगाचं उत्तर मिळालं नाही. त्यात विशेष म्हणजे उद्यापर्यंत दोन्ही गटांना उत्तर सादर करायची निवडणूक आयोगाने मुदत दिली आहे.

दरम्यान, अजित पवार यांनी ४० आमदारांच्या सही असलेलं पत्र निवडणूक दिलं होतं. अजित पवारांनी या पत्रात अजित पवार यांची राष्ट्रवादी पक्षाच्या राष्ट्रीय अध्यक्षपदी निवड करण्यात आल्याचं सांगण्यात आलं आहे, यापत्राद्वारे अजित पवार यांनी पक्षाचे नाव आणि चिन्हावर दावा केल्याचं पत्रात सांगण्यात आलं आहे.