Mexican Navy aircraft crash in the US : अमेरिकेत गॅल्व्हेस्टनजवळ मेक्सिकन नेव्हीचे विमान कोसळल्याची दुर्दैवी घटना घडली. या विमानामध्ये एका आजारी तरुणासह सात जण होते. या दुर्घनेत ५ जणांचा मृत्यू झाल्याचे वृत्त आहे. अमेरिकेतील टेक्सास किनाऱ्यावरील पाण्यात उर्वरित २ प्रवाशांचा शोध घेतला जात आहे. विमान दुर्घटनेनंतर परिसरात एकच खळबळ उडाली. दुर्घटनेची माहिती मिळताच बचाव पथकाने तातकडीने घटनास्थळी धाव घेतली.

स्थानिक मीडिया रिपोर्ट्सनुसार, दुर्घटनाग्रस्त विमानात नौदलाचे ४ अधिकारीही होते. त्याशिवाय आजारी मुलगा अन् त्याच्यासोबत आणखी काही नागरिक होते. त्यातील दोघेजण मिचौ आणि माऊ फाउंडेशनचे सदस्य होते. या दुर्घटनेबाबत मेक्सिकन नौदलाने अधिकृत परिपत्रक जारी केलेय. अपघातात मृत्युमुखी पडलेल्यांची नेमकी संख्या निश्चित करणे कठीण असल्याचे त्यांनी सांगितलेय.

नेव्हीचे विमान का कोसळलं? याबाबतची अद्याप कोणताही अधिकृत माहिती समोर आलेली नाही. तपास अधिकाऱ्यांकडून याचा शोध घेतला जात आहे. या दुर्घटनेमागील नेमकं कारण शोधण्यासाठी तपास यंत्रणा घटनास्थळाची पाहणी करत आहेत. या दुर्घटनेची चौकशी केली जात आहे, याबाबत अतिरिक्त माहिती जाहीर मिळताच जाहीर केली जाईल, असे गॅल्व्हेस्टन काऊंटीमधील सरकारी कार्यलायकडून सांगण्यात आले. या दुर्घटनेच्या ठिकाणी जनतेने जाणे टाळावे, असेही सोशल मीडियावरील पोस्टमध्ये त्यांनी म्हटलेय.

दुर्घटनेचे नेमके कारण काय?

गॅल्व्हेस्टनजवळ नेव्हीच्या विमानाचा अपघात झाला. एका रूग्णाला घेऊन विमान जात होते, त्यावेळी ही दुर्घटना घडली. अपघातानंतर बचाव कार्य सुरू करण्यात आले. ही दुर्घटना नेमकी का घडली? याचा तपास केला जात आहे. पण प्राथमिक तपासानुसार दाट धुक्यामुळे ही दुर्घटना घडलेली असू शकते. मागील काही दिवसांपासून गॅल्व्हेस्टनमध्ये धुक्याची चादर पसरली आहे. पण विमान दुर्घटनेला हे एक कारण असू शकते, असा अंदाज वर्तवला जात आहे. मेक्सिकनमधील नेव्ही अधिकाऱ्यांकडून याबाबतचा तपास केला जात आहे.