पंतप्रधान नरेंद्र मोदी यांच्यावर हल्ला करण्याचा कट रचल्याचं उघडकीस आलं आहे. त्यांची सुरक्षा भेदण्याच्या कट रचण्याच्या कारस्थानात सामील असलेल्या अमन तिवारी याला अटक केली आहे. त्याच्या लॅपटॉपमधून शत्र राष्ट्राच्या एजन्सीचे मेसेज देखील पोलिसांच्या हाती लागले आहेत. बिहारच्या सिमरी पोलीस स्टेशनच्या हद्दीतील आशा पडरी गावातून तिवारीला अटक केल्यानंतर राजकीय वर्तुळात खळबळ उडाली आहे. पोलिसांनी तिवारीला अटक करून कट उधळून लावल्याचे वृत्त 'नवभारत टाइम्स'ने दिले.

पोलिसांनी दिलेल्या माहितीनुसार, सिमरी पोलीस स्टेशनच्या हद्दीत असलेल्या आशा पडरी गावातील अमन तिवारीने आंतरराष्ट्रीय एजेन्सीला मेसेज पाठवला होता. पोलिसांना त्यांच्या सूत्रांकडून माहिती मिळाली. त्यानंतर ते सतर्क झाले. अमन घरी परतत होता. त्यानंतर घरी आल्यानंतर जेवण करत होता. त्याचवेळी पोलिसांनी त्याच्या घरात छापा टाकला. त्यानंतर पोलिसांनी त्याला अटक केली. पोलिसांनी अमनसहित तिघांना ताब्यात घेऊन चौकशी सुरू केली आहे. चौकशी झाल्यानंतर दोघांना सोडलं. त्यानंतर अमनला अटक केली.

पोलीस अधिकाऱ्यांनी सांगितलं की, 'अमन तिवारीने २०२१ साली कोलकाता विमानतळाला बॉम्बने उडवून देण्याची धमकी दिली होती. याच प्रकरणात कोलकाता आणि बक्सर पोलिसांच्या संयुक्त टीमने त्याला अटक केली. अमन तिवारीला अटक केल्यानंतर त्याच्या गावात खळबळ उडाली आहे. पोलिसांनी त्याच्या घरातून लॅपटॉपसहित अनेक इलेक्ट्रॉनिक उपकरणे देखील जप्त केले आहेत. त्याचा तपास सुरू आहे.

पोलीस अधिकाऱ्यांनी सांगितलं की, 'अमन तिवारीने २०२१ साली कोलकाता विमानतळाला बॉम्बने उडवून देण्याची धमकी दिली होती. याच प्रकरणात कोलकाता आणि बक्सर पोलिसांच्या संयुक्त टीमने त्याला अटक केली. अमन तिवारीला अटक केल्यानंतर त्याच्या गावात खळबळ उडाली आहे. पोलिसांनी त्याच्या घरातून लॅपटॉपसहित अनेक इलेक्ट्रॉनिक उपकरणे देखील जप्त केले आहेत. त्याचा तपास सुरू आहे.

अमनला अटक केल्यानंतर ग्रामस्थ हादरून गेले आहेत. या प्रकरणात अमनची कसून चौकशी होणार असल्याचे पोलिसांनी सांगितले. त्याच्या संपर्कात आणखी कोण कोण आहे, याचा तपास पोलिसांनी सुरू केला आहे. त्याची गुन्हेगारी पार्श्वभूमी देखील तपासली जात आहे. त्याच्या टार्गेटवर कोण कोणते नेते होते, याचाही तपास पोलिसांकडून केला जात आहे.