दिल्ली: राजधानी दिल्लीत कोरोनाचा (Corona) प्रादुर्भाव कमी होताच निर्बंधांनाही दिलासा मिळू लागला आहे. बुधवारी दिल्ली आपत्ती व्यवस्थापनाच्या बैठकीत वीकेंड कर्फ्यू (Weekend Lockdown) उठवण्याचा निर्णय घेण्यात आला. यासोबतच दुकानदारांनाही मोठा दिलासा मिळाला आहे. बाजारांना लागू होणारी सम-विषम प्रणालीही काढून टाकण्यात आली आहे. जाणून घ्या दिल्लीत काय सुरु काय बंद-

दिल्लीत कोणत्या गोष्टीत दिलासा?

- राजधानी दिल्लीत गेल्या ३ आठवड्यांपासून वीकेंड कर्फ्यू लागू होता, तो आता उठवण्यात आला आहे. म्हणजेच वीकेंडलाही आता लोक घराबाहेर पडू शकतात.

रात्रीचा कर्फ्यूही संपला?

- दिल्लीत रात्रीचा कर्फ्यू अजूनही कायम राहणार आहे. त्यामुळे दिल्लीत रात्री १० ते पहाटे ५ वाजेपर्यंत नाईट कर्फ्यू लागू असेल.

बाजार उघडणार की नाही?

- दुकानदारांना मोठा दिलासा मिळाला आहे. दिल्लीतील बाजारपेठा आधी सम-विषम मार्गाने उघडण्यास परवानगी होती. तो आता काढण्यात आला आहे. आता सर्व दुकाने दररोज उघडता येतील.

सिनेमागृहेही सुरू?

- दिल्लीत आता सिनेमा हॉल देखील उघडण्यास परवानगी देण्यात आली आहे. मात्र, आता फक्त ५० टक्के आसनक्षमतेसहित सिनेमागृह उघडण्यास परवानगी असेल.

बार-रेस्टॉरंटसाठी काय नियम आहेत?

- दिल्लीमध्ये बार आणि रेस्टॉरंटनाही ५० टक्के क्षमतेने पुन्हा सुरू करण्याची परवानगी देण्यात आली आहे. यापूर्वी बार बंद होते आणि रेस्टॉरंटला फक्त होम डिलिव्हरीसाठीच उघडण्याची परवानगी होती.

शाळेबाबत काय निर्णय?

- शाळा सुरू करण्याबाबत डीडीएमएच्या (DDMA) बैठकीत निर्णय होऊ शकतो, असे मानले जात होते. मात्र, दिल्लीत सध्या शाळा बंद राहणार आहेत. पुढील बैठकीत शाळा सुरू करण्याबाबत निर्णय होऊ शकतो असे सांगण्यात आले आहे.

लग्न समारंभाचे नियम?

- दिल्लीत आता लग्नसमारंभासाठी येणाऱ्या पाहुण्यांची संख्याही वाढवण्यात आली आहे. विवाहसोहळ्यात आता 200 पाहुणे किंवा हॉलच्या क्षमतेच्या 50 टक्के लोक सामावून घेऊ शकतात.