मणिपाल - कर्नाटकातील (Karnataka) मणिपाल शहरातील एका इंजीनिअरिंगच्या विद्यार्थ्याने एखाद्या चित्रपटा प्रमाणे आपल्या गर्लफ्रेंडला सूटकेसमध्ये लपवून मध्यरात्री वसतिगृहातून बाहेर काढण्याचा प्रयत्न केला. त्यानंतर वसतिगृहाच्या गेटवर या तरुणाची बॅग तपासली असता केअरटेकरने या जोडप्याला पकडल्याची घटना घडली आहे. सुरक्षा रक्षकाने विद्यार्थ्याला (Student) बॅगमध्ये काय आहे असे विचारले असता त्याने सांगितले की, त्यात ऑनलाइन ऑर्डर केलेल्या वस्तू आहेत. त्यामुळे सुरक्षा रक्षकाला त्याच्यावर संशय आला.

प्रियकराने प्रेयसीला सुटकेसमध्ये लपवले

मीडिया रिपोर्ट्सनुसार, बॅगमध्ये नाजूक वस्तू आहेत असे सांगून विद्यार्थ्यानेबॅग न उघडू देण्याचा सर्वतोपरी प्रयत्न केला. मात्र गार्डला संशय आल्याने त्याने बॅगमध्ये कायआहे हे पाहण्यासाठी बॅग उघडली आणि त्या सुटकेसमधून एक मुलगी बाहेर आली. दरम्यान विध्यार्थी आणि महाविद्यालयाची नावे उघड करण्यात आलेली नाहीत. तरुणाने आपल्या प्रेयसीला बॅगमध्ये लपवले होते, जिला तो वसतिगृहातून बाहेर काढू इच्छित होता, असा दावाही करण्यात आला होता. मुलगा आणि मुलगी दोघांनाही त्यांच्या वसतिगृहातून निलंबित करण्यात आल्याचे सूत्रांनी सांगितले.हे दोघे देखील त्यांच्या घरी परतले आहेत. दरम्यान हा व्हिडिओ कधीचा आहे याबाबद अद्याप कोणतीही माहिती समोर आलेली नाही.

Edited By - Shivani Tichkule