उत्तर प्रदेशातील प्रयागराजमध्ये तब्बल १२ वर्षांनंतर महाकुंभाचे आयोजन करण्यात आले आहे. या महान भक्ती सोहळ्याला कोट्यवधी लोक उपस्थित राहण्याची अपेक्षा आहे. 13 जानेवारीपासून सुरू होणाऱ्या या मेळ्यात विविध आखाड्यांमधील संत प्रयागराजमध्ये पोहोचत आहेत. त्याचबरोबर या महाकुंभ २०२५ मध्ये अनेक संत-महात्मांची विविध रूपे पाहायला मिळतायत. कुंभमेळ्यात अनेक अद्भूत संत पाहायला मिळत आहेत.

हे साधू आपल्या खास ओळखीमुळे आकर्षणाचे केंद्र बनलेत. यापैकी एक सांधू म्हणजे 'अण्णाज वाले बाबा (धान्य वाले बाबा)'. या कुंभमेळ्यात एका अनोखा साधूची चर्चे सर्वत्र होतेय. यांचे नाव 'अनाज वाले बाबा' आहे. यूपीच्या सोनभद्र जिल्ह्यातील रहिवासी असलेल्या अमरजीत बाबांनी आपल्या डोक्यावर गहू, बाजरी, हरभरा आणि वाटाणा पिकवला आहे. हे साधू बाबा हठ योगाचा सराव करण्यासाठी प्रसिद्ध आहेत. पर्यावरण जागृतीचा संदेश देण्यासाठी ते त्यांच्या डोक्यावरच पिके उगवतात.

धान्य बाबाचे खरे नाव अमरजीत असून त्यांनी आपल्या डोक्याला शेत बनवलंय. गेल्या पाच वर्षांपासून ते डोक्यावर गहू, बाजरी, हरभरा, वाटाणाचे पीक घेतले आहे. या साधू बाबाच्या डोक्यावर पिकं पाहून अनेकांना आश्चर्यचा धक्का बसलाय. या कुंभमेळ्यात सर्वाधिक चर्चा या सांधूची होतेय. अनाज वाले बाबा म्हणजेच धान्यावाले बाबा हे हठयोगाचे समर्पित अभ्यासक आहेत. पर्यावरणाविषयी सखोल संदेश देण्यासाठी त्यांच्या अपारंपरिक पद्धतीचा वापर करतात.

डोक्यावर का पीक घेतात

आपल्या डोक्यावर पिकं घेण्याबाबत त्यांनी सांगितलं की, जंगलतोड वाढत आहे आणि लोकांना अधिक झाडे लावण्यासाठी त्यांना प्रेरित करायचे आहे. त्यामुळे ते डोक्यावर पीक घेतात. बाबा दररोज त्यांच्या पिकांना पाणी देतात जेणेकरून त्यांची वाढ चांगली होईल. कुंभमेळ्यात ते आल्याने सर्वजण त्यांचीच चर्चा करत आहेत. धान्यवाले बाबा पर्यावरण संरक्षणाचे प्रतीक बनले आहेत. आपल्या मिशनबद्दल बोलताना ते म्हणाले, “जंगलतोड ही वाढती समस्या आहे, आणि मी लोकांना अधिक झाडं लावण्यासाठी प्रेरित करू इच्छितो."