मध्य प्रदेशातील छिंदवाडा येथून एक धक्कादायक घटना घडलीय. भाजपचे अनुसूचित जाती मोर्चाचे जिल्हाध्यक्ष लोकेश देहारिया यांचे हृदयविकाराच्या झटक्याने अचानक निधन झाले आहे. छिंदवाडा शहरातील प्रभाग क्रमांक ४७ (प्रियदर्शनी कॉलनी) चे नगरसेवक असलेले लोकेश देहारिया आपल्या प्रभागाचा दौरा करत होते, त्यावेळी त्यांना हृदयविकाराचा तीव्र झटका आला आणि त्यातच त्यांचे निधन झाले.

या घटनेमुळे परिसरात शोककळा पसरली आहे. लोकेश देहारिया यांच्या पश्चात त्यांची पत्नी आणि मुले असा परिवार आहे. लोकेश देहारिया यांच्या पश्चात त्यांची पत्नी आणि दोन मुले आहेत.

मतदारसंघात फिरताना आला हार्ट अटॅक

छिंदवाडा महानगरपालिकेतील भाजपचे ४६ वर्षीय नगरसेवक लोकेश देहारिया यांचे निधन झाले. ही घटना घडली तेव्हा ते आपल्या प्रभागातील 'सिद्धिविनायक रेसिडेन्सी'समोरील रस्त्यावरून चालत होते. त्यावेळी त्यांना हृदयविकाराचा तीव्र झटका आला आणि ते रस्त्यावरच कोसळले.

सीसीटीव्हीमध्ये कैद झाली घटना

हृदयविकाराचा झटका आल्यानंतर नगरसेवक लोकेश देहारिया यांना तातडीने एका खासगी रुग्णालयात नेण्यात आले. परंतु त्यांना वाचवण्यात डॉक्टरांना यश आले नाही. नगरसेवक लोकेश देहारिया जेव्हा रस्त्यावरून चालत होते, त्यावेळी त्यांना हृदयविकाराचा झटका आला, तेव्हा ही संपूर्ण घटना जवळच असलेल्या सीसीटीव्ही कॅमेऱ्यात कैद झाली.

हृदयविकाराचा झटका आल्यानंतर ते अचानक जमिनीवर कसे कोसळले, हे सीसीटीव्ही फुटेजमध्ये दिसून येते. नंतर, ते रस्त्यावर कोसळलेल्या अवस्थेत आढळल्यावर तेथून जाणाऱ्या ओळखीच्या लोकांनी त्यांना तातडीने रुग्णालयात नेले, परंतु त्यांचे प्राण वाचवता आले नाहीत.