Lucknow Aiport Caught 2 For Gold Smuggling :

उत्तर प्रदेशमधील चरणसिंग आंतरराष्ट्रीय विमानतळावर दोन जणांकडून तब्बल अडीच कोटींचे सोने जप्त करण्यात आले आहे. बेकायदेशीरपणे हे सोने भारतात आणण्यात आले होते. कस्टम ड्यूटी टीमने (Custom Duty) हे सोने जप्त केले आहे. याप्रकरणी दोन जणांवर कारवाई करण्यात आली आहे. (Latest News)

मिळालेल्या माहितीनुसार, हे सोने दुबई (Dubai) आणि शारजाह येथून आणण्यात आले होते. कॉफी मशीनमध्ये लपवून हे सोने भारतात आणले होते. ३.४९७ किलो सोने जप्त करण्यात आले आहे. हे सोने एअर इंडियाच्या (Air India) IX-194 विमानातून उत्तर प्रदेशमध्ये आणण्यात आले होते. सामानाची तपासणी करताना कस्टम टीमला दोघांवर संशय आला. त्यानंतर तपासणीसाठी त्यांनी कॉफी मशीन उघडली तर त्यातून दोन सोन्याची बिस्किटे सापडली.

यावेळी इंडिगोच्या (Indigo) विमानाने शारजाहून आलेल्या आणखी एका प्रवाशाकडून तब्बल ५५४ ग्रॅम सोने जप्त करण्यात आले आहे. सोन्याची पेस्ट करुन हे सोने (Gold )भारतात आणण्यात आले होते. ४.०५ किलो सोने जप्त करण्यात आले असून त्याची किंमत २.५५ कोटी आहे.