दहशतवादाला ना धर्म असतो ना चेहरा....मात्र पहेलगाम हल्ल्यानंतर पीओकेस्थित दहशतवादी संघटनांचा पोकळ आत्मविश्वास द्विगुणित झालायं...म्हणूनच की काय लष्कर-ए-तैयबा सारख्या संघटनेनं आपली सुत्र नव्या,ताज्या दमाच्या तरुणांच्या हाती सोपवलीएत....लष्कर-ए-तैयबाचा संस्थापक हाफिज सईदवर मृत्यूची टांगती तलवार आहे. म्हणूनच संघटनेसाठी हाफिजनं सगळी सुत्र आपल्या मुलाक़डे म्हणजे तल्हा सईदकडे सोपवल्याची माहिती मिळतेय..

नापाक इराद्यांचे नवे चेहरे

हाफिजचा मुलगा तल्हा सईद तैयबाचा नवा आका

जकी-उर रहमान नवा लखवी ऑपरेशनल कमांडर

साजिद मीर आंतरराष्ट्रीय नेटवर्कचा प्रमुख

मोहम्मद याह्या मुजाहिद माध्यम प्रमुख

हाजी मोहम्मद अशरफ तैयबाचा नवा फंडिग हेड

आरिफ कासमानीला अल कायदासोबत समन्यवयाची जबाबदारी

जफर इक्बाल दहशतावाद्यांच्या प्रशिक्षणाची जबाबदारी

आदिल ठोकर नवा मीड लेव्हल कमांडर

लष्कर-ए- तैयबात खांदेपालट झालीये. मात्र हाफिजच्या मुलगा तल्हा सईद सह अन्य साथिदार आधीही भारतविरोधी कारवायात गुंतलेले होते.

पीओकेस्थित दहशतवाद्यांच्या आडून पाकिस्तान कायमच भारतात अशांतता पसरवत आलायं...सर्जिकल स्ट्राईक असो वा थेट एअर स्ट्राईक भारतानं दहशतवाद्यांचा बिमोड केलायं. मात्र आता भारतासमोर नापाक बाप-बेट्यांचं आव्हान असेल...साहजिकच दहशतवाद्यांच्या या नव्या पिल्लावळीचा लवकरच भारत खात्मा करेल यात शंका नाही.