केरळचे माजी मुख्यमंत्री आणि विधानसभेचे विरोधी पक्षनेते पिनाराई यांच्या अडचणी वाढण्याची शक्यता आहे. केरळ हायकोर्टाने पिनाराई विजयन, त्यांची मुलगी वीना आणि जावई मोहम्मद रियास यांच्याविरोधात भ्रष्टाचार प्रतिबंधक कायद्यांतर्गत FIR दाखल करण्याचे आदेश दिले आहेत. या प्रकरणात अंमलबजावणी संचालनायाने कोट्यवधी रुपयांच्या हवाला व्यवहारांशी संबंधित पुरावे गोळा केल्याचा दावा केला आहे. या प्रकरणात न्यायालयाने याआधी याचिकाकर्त्यांच्या वतीने अ‍ॅडव्होकेट जनरल के. जाजू बाबू आणि अ‍ॅडव्होकेट व्ही. सेतुनाथ, तसेच EDच्या वतीने उपस्थित असलेले जयशंकर व्ही. नायर यांचे युक्तिवाद ऐकले होते. त्यानंतर न्यायालयाने निर्णय राखून ठेवला होता.
मनी लाँडरिंग प्रतिबंधक कायद्याच्या कलम 66 अंतर्गत ED कडून माहिती मिळाल्यानंतर राज्य पोलिसांना प्राथमिक चौकशी न करता FIR दाखल करणे बंधनकारक आहे का, हा महत्वाचा प्रश्न न्यायालयासमोर उपस्थित झाला होता. ED आणि याचिकाकर्त्यांनी या प्रकरणातील परिस्थिती पाहता प्राथमिक चौकशी आवश्यकता नसल्याचा युक्तिवाद केला. राज्य पोलिसांनी तातडीने FIR दाखल करायला हवी होती, असेही त्यांनी न्यायालयात सांगितले. याचिकाकर्त्यांनी या प्रकरणाच्या तपासासाठी स्थापन करण्यात आलेल्या SIT वरही प्रश्न उपस्थित केले. दक्षता विभागातील कोणत्याही अधिकाऱ्याचा समावेश नसताना SIT स्थापन करण्यात आल्याचा दावा त्यांनी केला. मंत्रिमंडळाच्या निर्णयाशिवाय अशी कार्यवाही करता येत नसल्याचेही याचिकाकर्त्यांनी नमूद केले.
19 ऑगस्ट रोजी EDने प्रसिद्धिपत्रक जारी करून या प्रकरणात कोट्यवधी रुपयांच्या हवाला व्यवहारांशी संबंधित पुरावे गोळा केल्याचे सांगितले होते. संबंधित आरोपींनी मनी लाँडरिंग प्रतिबंधक कायद्यांतर्गत गुन्हे केल्याचा आरोपही EDने केला होता. यानंतर 7 सप्टेंबर रोजी EDने केरळचे पोलीस महासंचालक (DGP) यांना पत्र पाठवले.
या पत्रात पिनाराई विजयन, त्यांची मुलगी वीणा आणि मोहम्मद रियास यांच्याविरोधात भ्रष्टाचार प्रतिबंधक कायद्यांतर्गत FIR दाखल करण्याची मागणी करण्यात आली होती. मात्र, राज्याच्या गृहसचिवांनी DGP ना हे प्रकरण क्राइम ब्रँचकडे सोपवण्याचे निर्देश दिले. तसेच प्राथमिक चौकशीसाठी SIT स्थापन करण्यास सांगितले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.