केरळमध्ये एका तरुणाच्या अपघाताचा थरकाप उडवणारा व्हिडिओ समोर आला आहे. रस्त्यावरून जाणाऱ्या एका तरुणाचे दुचाकीवरील नियंत्रण सुटल्याने तरुण धावत्या स्कुलबस खाली आला. सुदैवाने या दुर्घटनेत कोणतीही जीवित हानी झालेली नाही. बसचालकाच्या तत्परतेमुळे तरुणाचा जीव थोडक्यात वाचला. या अपघाताचा व्हिडिओ सोशल मीडियावर व्हायरल होत आहे.

मिळालेल्या माहितीनुसार, सदर घटना केरळच्या मलप्पुरम जिल्ह्यातील पजामल्लूर येथील एका वर्दळीच्या रस्त्यावर घडला आहे. स्कुलच्या बसच्या विरुद्ध दिशेने दुचाकीवरून येणाऱ्या तरुणाचे दुचाकीवरील नियंत्रण सुटले. इतक्यात समोरून येणाऱ्या स्कुल बसखाली हा तरुण आला.

मात्र बसचालकाने सतर्क राहून तात्काळ ब्रेक दाबला. त्यामुळे मोठा अनर्थ टळला. सुदैवाने, या घटनेत विद्यार्थ्याला कोणतीही गंभीर दुखापत झाली नाही. ही घटना जवळच्या सीसीटीव्ही कॅमेऱ्यांमध्ये कैद झाली आहे.

या घटनेचा व्हिडिओ सोशल मीडियावर सध्या व्हायरल होत आहे. दरम्यान वर्दळीच्या आणि अरुंद रस्त्यावर वाहन काळजीपूर्वक न चालवल्यास मोठा अपघात होऊ शकतो याचे हे उत्तम उदाहरण आहे.