Congress Vs BJP in Karnataka Elections Results : कर्नाटक विधानसभा निवडणुकीचे कल हाती आले असून राज्यात काँग्रेसने निर्विवाद वर्चस्व स्थापित झाले आहे. भारतीय जनता पक्षाला सत्ता गमवावी लागल्याचे चित्र दिसत आहे. राज्यात काँग्रेसने बहुमताचा आकडा पार केला असून ट्रेंडमध्ये पक्ष 123 जागांवर आघाडीवर दिसत आहे.

तर भाजपकडे अवघ्या 70 जागा आहेत. तर जेडीएसला 26 जागा मिळाल्या आहेत. भाजप पराभवाकडे वाटचाल करत असतानाच भाजपचे नेते आणि कर्नाटकचे माजी मुख्यमंत्री बसवराज बोम्मई यांनी प्रतिक्रिया दिली आहे.

कॉंग्रेसचा ऐतिहासिक विजय...

10 मे रोजी कर्नाटकात (Karanataka Election Result) 224 जागांसाठी मतदान झाले होते. सत्ताधारी भाजपने पुन्हा एकदा सत्तेत येण्यासाठी शर्थीचे प्रयत्न केले मात्र काँग्रेसने भाजपला सत्तेतून हुसकावून लावले आहे. या पराभवानंतर भाजपचे नेते बसवराज बोम्मई (Basavaraj Bommai) यांनी पहिली प्रतिक्रिया दिली आहे.

काय म्हणाले बोम्मई...

"आम्ही पुन्हा राज्यात परतणार असून आगामी निवडणुकीत चांगली कामगिरी करण्याचा प्रयत्न करू, येत्या काही दिवसांत निकालाचे विश्लेषण करून लोकसभा निवडणुकीत पुनरागमन करणार आहे. आम्ही पक्षाची पुनर्रचना करू. आम्ही अंतिम निकालांची वाट पाहत आहोत," असे म्हणत बसवराज बोम्मई यांनी पराभवानंतर पहिली प्रतिक्रिया दिली आहे. (Latest Marathi News)

दरम्यान, या ऐतिहासिक विजयानंतर कॉंग्रेसमध्ये (Congress) चांगलाच जल्लोश पाहायला मिळत आहे. बंगळुरूपासून ते दिल्लीपर्यंत काँग्रेसच्या समर्थकांचा जल्लोष पहायला मिळत असून बंगळुरूमधील पक्ष कार्यालयाबाहेर काँग्रेस कार्यकर्ते आणि समर्थक आनंद साजरा करत आहेत. तसेच दिल्लीतील मुख्यालयातही आनंदोत्सव साजरा होत आहे.