कानपूरमध्ये घडलेल्या एका धक्कादायक घटनेने परिसरात खळबळ माजवली आहे. कोयला नगर येथील ‘ट्विंकल गॅलेक्सी’ हॉटेलच्या मालकावर हॉटेलमध्ये काम करणाऱ्या रिसेप्शनिस्ट मुलीला बंदी ठेवून बलात्कार केल्याचा गंभीर आरोप करण्यात आला आहे. प्रेमाने केलेला प्रपोज नाकारल्याचा सूड घेण्यासाठी आरोपीने हे कृत्य केल्याची माहिती पोलिसांनी दिली.

नेमकं काय घडलं?

चकेरी पोलिस ठाण्याच्या माहितीनुसार, २१ वर्षीय पीडित महिला गेल्या वर्षभरापासून ‘ट्विंकल गॅलेक्सी’ हॉटेलमध्ये रिसेप्शनिस्ट म्हणून काम करत होती. हॉटेल मालक मनोज कुमार पटेल हा आदर्श विहार येथे राहत होता. हा काही काळापासून तिच्यावर प्रेम व्यक्त करत होता. महिलेवर जबरदस्तीने जवळीक साधण्याचा प्रयत्न करीत होता. मात्र, महिलेनं हा प्रपोज नाकारल्याने आरोपी संतापला आणि सूडाच्या भावनेतून तिला जबरदस्तीने एका खोलीत ओढून नेले.

२२ ऑक्टोबरच्या बुधवारी रात्री उशिरा मनोज पटेलने पीडित महिलेला हॉटेलमधील एका खोलीत नेले. तिचे हातपाय दोरीने बांधले, तोंडात कापड ठेवले आणि तिच्यावर बलात्कार केला. पीडितेने प्रतिकार करण्याचा प्रयत्न केला असता, आरोपीने तिच्यावर मारहाण केली. तब्बल सहा तास आरोपीने तिला जवळ ठेवल्याचे सांगण्यात आले आहे. नंतर तिला धमकी देत सोडून दिले. जर तिने कोणाला सांगितले तर तिची बदनामी केली जाईल.

या घटनेनंतर महिलेनं धैर्याने जाऊन चकेरी पोलिस ठाण्यात तक्रार दाखल केली. पोलिसांनी त्वरीत कारवाई करत मनोज पटेलविरुद्ध बलात्कार, जवळीक साधणे आणि धमकावणे यासह विविध कलमांखाली गुन्हा नोंदवला. पोलिसांच्या शोध मोहिमेदरम्यान आरोपीला पीएसी मोड बायपास परिसरातून ताब्यात घेण्यात आले. प्रकरणातील सर्व तपास पोलीस निरीक्षक संतोष कुमार शुक्ला यांच्या मार्गदर्शनाखाली सुरू आहे.