नवी दिल्ली : दिल्लीतील जवाहरलाल नेहरू विद्यापीठ पुन्हा एकदा चर्चेत आलं आहे. जेएनयूमधील इमारतीच्या भिंतींवर ब्राह्मणविरोधी घोषणा लिहिण्यात आल्याने मोठा वाद निर्माण झाला आहे.

केंद्रीय मंत्री गिरीराज सिंह यांनी या प्रकरणी संतप्त प्रतिक्रिया दिली आहे. जेएनयू आता तुकडे तुकडे गँगचं केंद्र बनलं आहे, अशी जहरी टीका गिरीराज सिंह यांनी केली आहे.

जेएनयूची राजकीय पक्ष तुकडे तुकडे गँगचा अड्डा बनत चालला आहे. जेएनयूतील तुकडे तुकडे गँग कधी अफझल गुरूच्या नावाने, तर कधी इतरांच्या नावाने भारताचे तुकडे करण्याचा प्रयत्न करतात.

आजही देशात तुकडे तुकडे गँग आणि गझवा-ए-हिंद या दोघे एकत्र आहेत. भारतातील बहुसंख्य लोकांमध्ये मतभेद निर्माण करण्याच्या उद्देशाने हे सर्व केले जात आहे. मात्र हे यशस्वी होणार नाही, असं गिरीराज सिंह यांनी म्हटलं.