J&K Terrorist Attack

जम्मू-काश्मीरमधील पुंछमध्ये दहशतवाद्यांनी लष्कराच्या वाहनांवर गोळीबार केला असून लष्कराच्या जवानांनीही चोख प्रत्युत्तर दिलं आहे. या हल्ल्यात लष्कराचं कोणतंही नुकसान झाल्याचं वृत्त नाही. गेल्या तीन आठवड्यांत याच भागात लष्करावर झालेला हा दुसरा हल्ला आहे. चकमक अद्याप सुरू असल्याची माहिती सुत्रांकडून मिळाली आहे.

मागच्या तीन आठवड्यांत या भागात लष्करावर झालेला हा दुसरा दहशतवादी हल्ला आहे. यापूर्वी राजौरीतील डेरा गल्लीत दोन लष्करी वाहनांवर हल्ला झाला होता. यात चार जवान शहीद झाले होते, तर पाच जण जखमी झाले होते. आज सायंकाळी ज्या ठिकाणी हल्ला झाला ते ठिकाण आधीच्या हल्ल्याच्या ठिकाणापासून सुमारे 40 किलोमीटर अंतरावर आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

2003 पासून पीर पंजाल प्रदेश (राजौरी आणि पूंछ) दहशतवादापासून मुक्त होता परंतु ऑक्टोबर 2021 पासून या भागात पुन्हा मोठे हल्ले सुरू झाले आहेत. गेल्या सात महिन्यांत अधिकारी आणि कमांडोसह 20 जवान शहीद झाले आहेत.