राजा रघुवंशी हत्याकांडाने संपूर्ण देश हादरला. सोनम रघुवंशीने बॉयफ्रेंडच्या साथीने नवऱ्याला संपवलं. या हत्याकांडाने देशात खळबळ उडाली. त्यानंतर सोनमपेक्षाही भयंकर कारनामा झांसीच्या एका महिलेने केला आहे.

झांसीची सून झालेल्या महिलेने सोनम रघुवंशी पेक्षाही खतरनाक हत्याकांड केलं आहे. पूजाने सासूला संपवलं. महिलेने दिरासोबतही अनैतिक संबंध प्रस्थापित केले होते. काही दिवसांनी दिराचाही संशयास्पद मृत्यू झाला. पूजाने गुंडांना सांगून नवऱ्यावर गोळीबार केला.

काय आहे संपूर्ण प्रकरण?

महिलेच्या सासऱ्याकडे १६ बीघा जमीन होती. दिराच्या मृत्यूनंतर महिलेच्या वाट्याला ८ बिघा जमीन येणार होती. ही जमीन विकून तिला ग्वालियरला राहायला जायचं होतं. पण सासू यायला तयार नव्हती. सासऱ्याला मार्गातून काढण्यासाठी महिलेने बहिणीच्या बॉयफ्रेंडची मदत घेतली. त्याच्या साथीने सासूला संपवलं.

सूनेने सुशीला देवींची २४ जून रोजी हत्या केली. एका बंद खोलीत त्यांचा मृतदेह आढळला. बंद खोलीला बाहेरून कडी होती. यामुळे सुशीला देवीचा मुलगा अजयने पोलिसांत तक्रार दिली. त्यानंतर पोलिसांनी तातडीने नाकाबंदी सुरु केली. त्यानंतर एका आरोपीने पोलिसांवर गोळीबार केला.

सासूला कसं संपवलं?

पूजाने ग्वालियरमधील एका कार्यक्रमात पती आणि सासूला बोलावलं. त्यावेळी बहिणीच्या बॉयफ्रेंडच्या साथीने सासू सुशीलाची गळा दाबून हत्या केली. गुन्हा नोंदवल्यानंतर पोलिसांनी नाकाबंदी सुरु केली. नाकाबंदीदरम्यान एका थांबवलं. त्यावेळी त्याने पोलिसांवर गोळीबार केला. पोलिसांनी दिलेल्या प्रत्युत्तरात आरोपीच्या पायाला गोळी लागली. त्यानंतर पोलिसांनी आरोपीला अटक केली. पोलिसांनी आरोपीकडून ८ लाखांचे सोने जप्त केले. या प्रकरणी पोलिसांनी दोन्ही बहिणी आणि बॉयफ्रेंडला अटक केली आहे.