जम्मू आणि काश्मीरच्या पूंछ सेक्टरमध्ये मंगळवारी मोठी दुर्घटना घडली. लष्कराचा ट्रक ३०० फूट खोल दरीत कोसळला. यात पाच जवानांचा मृत्यू झाला. तर अन्य जवान जखमी झाले आहेत. बचावकार्य सुरू आहे. या अपघातात जखमी झालेल्या जवानांवर उपचार सुरू आहेत, अशी माहिती व्हाइट नाइट कॉर्प्सनं एक्सवर दिली आहे.

जम्मू-काश्मीरच्या पुछमध्ये ही भीषण घटनाच तत्काळ बचाव मोहीम सुरु करण्यात आली आहे. टीमने घटनास्थळी पोहोचून जखमींसाठी मदत कार्य सुरु करण्यात आलं. सैन्य दलातील अनेक वरिष्ठ अधिकारी घटनास्थळी पोहोचले आहेत. त्यांनी घटनास्थळाची पाहणी केली आहे. या भीषण अपघातात ५ जवानांचा दुर्दैवी मृत्यू झाला आहे.

अपघाताची भीषण घटना घोडा पोस्टजवळ घडली आहे. वाहनावरील नियंत्रण गमावल्याने वाहन दरीत कोसळल्याची घटना घडली आहे. घटनेनंतर अपघातातील जखमींवर वैद्यकीय उपचार सुरु करण्यात आले आहेत. सैन्य दलातील प्रशासनही तात्काळ मदतीला धावलं. सैन्य दलाचा ट्रक हा बनोई जिल्ह्याकडे जाताना हा अपघात झाला आहे. हा ट्रक ३०० ते ३५० फूट खोल दरीत कोसळला आहे. सैन्य दलाचे जवान आणि पोलीस तात्काळ घटनास्थळी मदतीला पोहोचलं.

काही दिवसांपूर्वी जम्मू-काश्मीरजवळील बांदीपोरा जिल्ह्यातील बर्फामुळे झाकला गेलेल्या गुरेज रोडवर वाहन रस्त्यावरून घसरून दरीत कोसळला. या घटनेत २ जवान जखमी झाले होते. या घटनेनंतर तातडीने जवानांना जवळील रुग्णालयात दाखल करण्यात आलं होतं. या भीषण अपघातानंतर मदतीसाठी मोहीम सुरु करण्यात आली.

जम्मू-काश्मीरच्या किश्तवाड जिल्ह्यातील मंगळवारी घुसखोराच्या संशयामुळे सुरक्षा दलाने शोधमोहीम सुरु केली होती. कुंतवाडा क्षेत्रातील घुसखोराच्या संशयामुळे ग्राम रक्षा गार्डाच्या (वीडीजी) सदस्यांनी गोळ्या झाडल्या. यानंतर सुरक्षा दल आणि पोलिसांना तैनात करण्यात आलं होतं. ७ नोव्हेंबर रोजी दहशतवाद्यांनी वीडीजीच्या २ सदस्यांची हत्या केली होती.