इटली येथे आयोजित केलेल्या जी 7 शिखर परिषदेत देशाचे पंतप्रधान नरेंद्र मोदी उपस्थित होते. नरेंद्र मोदी यांनी या परिषदेत अनेक देशांच्या प्रमुख नेत्यांची भेट घेतली. या परिषदेत इटलीच्या पंतप्रधान जॉर्जिया मेलोनी यांनी सर्व राष्ट्राध्याक्षांचे स्वागत केले होते. जॉर्जिया मेलोनी यांनी नरेंद्र मोदी यांचेही स्वागत केले होते. जॉर्जिया मेलोनी यांनी नुकताच नरेंद्र मोदींसोबतचा एक सेल्फी व्हिडिओ एक्स अकाउंटवर पोस्ट केला आहे.

जॉर्जिया मेलोनी यांनी G7 शिखर परिषदेत पंतप्रधान मोदींसोबत हा व्हिडिओ रेकॉर्ड केला आहे. त्यांनी या व्हिडिओत 'हॅलो फ्रॉम टीम मेलोडी' असं म्हटलं आहे. या व्हिडिओवर हाय फ्रेंड्स फ्रॉम मेलोडी, असं कॅप्शन देखील देण्यात आले आहे. गेल्या वर्षी दुबईतील COP 28 शिखर परिषदेदरम्यान जॉर्जिया यांनी नरेंद्र मोदींसोबतचा सेल्फी सोशल मीडियावर पोस्ट केला होता.

G7 शिखर परिषद इटलीमध्ये पार पडली. यावेळी अनेक देशांचे राष्ट्राध्यक्ष उपस्थित होते. या परिषदेसाठी अमेरिकेचे अध्यक्ष जो बायडेन, युरोपीय परिषदेचे अध्यक्ष चार्ल्स मिशेल, जर्मन चान्सलर, कॅनडाचे पंतप्रधान जस्टिन ट्रूडो, फ्रान्सचे अध्यक्ष इमॅन्युएल मॅक्रॉन, जपानचे पंतप्रधान फुमियो किशिदा आणि ब्रिटीश पंतप्रधान ऋषी सुनक हे इटलीमध्ये उपस्थित होते. या परिषदेत पंतप्रधान नरेंद्र मोदीदेखील सहभागी झाले होते. या परिषदेत नरेंद्र मोदींनी अनेक मुद्द्यांवर चर्चा केली आहे. या वर्षी G7 शिखर परिषदेत भारत अतिथी देश म्हणून उपस्थित होता.