Gaza war end : इस्रायल आणि हमास यांच्यातील युद्ध अखेर थांबले आहे. मंगळवारी दोन्ही देशांनी युद्धविरामाच्या करारावर स्वाक्षरी केली आहे. दोन्ही देशाकडे असणाऱ्या कैद्यांना सोडण्याची प्रक्रिया सुरू झाली आहे. दोन्ही देशांमध्ये १५ महिन्यांपासून युद्ध (Israel Hamas War Latest News) सुरू होतं. हे युद्ध थांबवण्यासाठी दोन्ही देशाने सहमती दर्शवली असून स्वाक्षरी केली आहे. अमेरिकेचे राष्ट्राध्यक्ष डोनाल्ड ट्रम्प यांनी ट्वीट करत युद्ध थांबल्याची माहिती दिली.

युद्ध थांबल्यानंतर हमास गाझामध्ये बंदी असणाऱ्या इस्रायली नागरिकांची सुटका करण्यात येईल, त्या बदल्यात इस्रायल हमासच्या लोकांनाही सोडणार आहे. पहिल्या टप्प्यात हमास इस्राइलच्या ३३ कैद्यांची सुटका करेल, तर इस्रायल २५० पॅलेस्टिनी कैद्यांना सोडणार आहे. १५ दिवसानंतर हमास उर्वरित कैद्यांची सुटका करणार आहे.

दोन्ही देशांमध्ये मागील १५ महिन्यापासून युद्ध सुरू होतं. हमासने ७ ऑक्टोबर २०२३ रोजी इस्रायलवर हल्ला केला होता. त्या हल्ल्यात १२०० नागरीक आणि सैनिकांची हत्या केली होती आणि २५० पेक्षा जास्त लोकांना ओलीस ठेवले होते. त्यानंतर इस्रायलने गाझामध्ये केलेल्या हल्ल्यात ४६ हजारांपेक्षा जास्त पॅलेस्टिनी ठार झाले. त्यामध्ये महिला आणि मुलांची संख्या सर्वाधिक होती.

कोणत्या मुद्द्यावर करार झाला?

हजारो विस्थापित गाझा रहिवाशांना इस्रायल सोडेल.

हमासने ओलीस ठेवलेल्या डझनभर लोकांची हळूहळू सुटका करावी

इस्रायल पॅलेस्टिनी कैद्यांची सुटका करावी.

डोनाल्ड ट्रम्प यांनी दिली माहिती -

हमास आणि इस्रायल यांच्यातील युद्धविरामाची माहिती अमेरिकेचे अध्यक्ष डानाल्ड ट्रम्प यांनी दिली. सोशल मिडिया पोस्ट करत याबाबतची माहिती दिली. त्यांनी आपल्या पोस्टमध्ये म्हटलेय की, आम्ही मध्यपूर्वेतील ओलिसांसाठी करार केला आहे. त्याला लवकरच सोडण्यात येणार आहे. धन्यवाद! IDF (इस्रायल डिफेन्स फोर्स) ने ओलिसांच्या परत येण्याला 'विंग्स ऑफ फ्रीडम' असे नाव दिले आहे.

कुणामुळे युद्ध थांबले? Qatar PM confirms Israel-Hamas reach Gaza ceasefire, hostage deal

कतारचे पंतप्रधान यांच्या मध्यस्थीमुळे हमास आणि इस्रायल यांच्यातील युद्धाला पुर्णविराम लागलाय. कतारच्या पंतप्रधानांनी गाझामध्ये 15 महिन्यांपासून सुरू असलेले विनाशकारी युद्ध संपविण्याची घोषणा केली आहे. अनेक इस्रायली ओलीसांच्या सुटकेसाठी इस्रायल आणि हमास यांच्यात युद्धविराम कराराची घोषणाही त्यांनी केली. शेख मोहम्मद बिन अब्दुल रहमान अल थानी असे कतारच्या पंतप्रधानांचे नाव आहे. शेख मोहम्मद बिन अब्दुल रहमान अल सानी यांच्यामुळे १५ महिन्यांपासून सुरू असलेले युद्धाला पूर्णविराम मिळाला आहे.