नवी दिल्ली : आंतरराष्ट्रीय तेल बाजारात क्रुड (Crude) तेलाच्या (Oil) किमती पुन्हा एकदा झपाट्याने वाढू लागल्या आहेत. रशिया-युक्रेन युद्धामुळे मंगळवारी ब्रेंट क्रूड तेलाच्या किमती वाढल्या आहेत. १२४ डॉलर प्रति बॅरेल झाले आहेत. बुधवारीही बॅरेलच्या किंमतीत वाढ झाली आहे. किंमत प्रति बॅरेल १२१ डॉलरच्या जवळ होती. भारतात ८५% तेल आयात केले जाते. त्यामुळे भारतात पुन्हा तेलाचे दर वाढणार असल्याचे संकेत आहेत.

रशिया-युक्रेन युद्धाला अजुनही पूर्ण विरोम मिळालेला नाही. याच पार्श्वभूमीवर युरोपियन युनियनच्या सदस्य राष्ट्रांनी रशियाकडून कच्चे तेल आयात करण्यावर बंदी घातली आहे. आंतरराष्ट्रीय तेल बाजारात ब्रेंट क्रूड ऑइलची (crude oil) किंमत मंगळवारी प्रति बॅरेल १२४ डॉलर प्रति बॅरेलवर पोहोचली. आकडेवारीनुसार, ३१ मे २०२२ रोजी कच्च्या तेलाच्या भारतीय बास्केटची किंमत प्रति बॅरल ११८.३१ रुपये झाली. मे महिन्यात कच्च्या तेलाच्या प्रति बॅरेलची किंमत १०९.५१ वर पोहोचली.

केंद्र सरकार वाढत्या महागाईवर नियंत्रण मिळवण्याचा प्रयत्न करत आहे. पण आता पुन्हा अडचणी वाढणार असल्याचे बोलले जात आहे. जीडीपीचा दरही घसरला आहे. काही दिवसापूर्वीच केंद्र सरकारने इंधनावरील कर कमी करुन इंधनाचे दर कमी करण्याचा फ्रयत्न केला होता. पण आता पुन्हा इंधनाचे दर वाढणार असल्याचे संकेत आहेत.(Crude)