पहलगाम हल्ल्यानंतर भारत पाकिस्तानमधील तणाव वाढलाय. तर संपूर्ण जग पाकिस्तानच्या कृत्याचा निषेध करत आहे. मात्र भारतासोबत मैत्रीचं नाटक कऱणाऱ्या अमेरिकेने पुन्हा एकदा आपला बेभरवशीपणा दाखवून देत पलटी मारलीय. डोनाल्ड ट्रम्प यांच्या वर्ल्ड लिबर्टी फायनेन्शियल कंपनीने पाकिस्तानसोबत क्रिप्टो करार केल्याचं समोर आलंय.

दगाबाज अमेरिका

वर्ल्ड लिबर्टी फायनेन्शियल कंपनीचा पाक सरकारसोबत क्रिप्टो करार

या कंपनीत ट्रम्पचे 60 टक्के समभाग

पहलगामची जखम ताजी असतानाच इस्लामाबादमध्ये डील

कंपनीच्या सीईओची पाक पंतप्रधान शरीफ आणि लष्करप्रमुख मुनीरसोबत चर्चा

पाकिस्तान पुरस्कृत दहशतवाद्यांनी भारताच्या आत्म्यावरच हल्ला केलाय. त्यामुळे भारतात संतापाची लाट उसळलीय.. तर चीन छुप्या पद्धतीने पाकिस्तानला पाठीशी असला तरी रशियाने उघडपणे भारताला पाठींबा दिलाय. या दहशतवादाविरोधातील लढाईत सगळं जग भारतासोबत उभा असताना अमेरिका मात्र सौदेबाजी करताना दिसून येतोय.

नाठाळ अमेरिकेची डबल ढोलकी

1971

भारताविरोधात पाकच्या मदतीला अमेरिकेची युद्धनौका

1999

तटस्थतेचा आव, मात्र मागच्या दाराने पाकला शस्त्रपुरवठा

2001

9/11 हल्ल्यानंतर अमेरिकेची पाकला लष्करी मदत

2024

इस्त्राईल-पॅलेस्टाईन युद्धात संदिग्ध भूमिका

2025

रशियाविरोधात युक्रेनला पाठिंब्याचं आश्वासन, युद्ध सुरु होताच माघार

भारत अमेरिकेला मित्र मानत असला तरी अमेरिका मात्र भारताच्या पाठीत खंजीर खुपसण्याची भूमिका घेत आहे. त्यामुळे सरड्याप्रमाणे रंग बदलणाऱ्या बेभरवशाच्या अमेरिकेवर विश्वास न ठेवता भारतानं इतरही राजनैतिक पर्यायांचा वापर करण्याची गरज आहे.