hyderabad hospital Fire:

हैदराबादमधून एक धक्कादायक वृत्त हाती आली आहे. हैदराबादमध्ये शनिवरी एका रुग्णालयाच्या इमारतीला आग लागल्याची घटना घडली आहे. या आगीमुळे इमारतीत अनेक रुग्ण अडकल्याची शक्यता वर्तविण्यात आली आहे. इमारतीला लागलेल्या आगीचा लाईव्ह व्हिडिओ समोर आला आहे. (Latest Marathi News)

हैदराबादमधील अंकुरा रुग्णालयाला आग लागल्याची घटना घडली आहे. अंकुरा रुग्णालय इमारतीच्या पाचव्या मजल्याला ही आग लागली. इमारतीला आग लागल्यानंतर अग्निशमन दलाची अग्निबंब घटनास्थळी पोहोचले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

इमारतीला शॉर्ट सर्किटमुळे आगल्याची प्राथमिक माहिती हाती आली आहे. इमारतीची पाचव्या मजल्याची आग ही १० व्या मजल्यापर्यंत पोहोचली. अंकुरा रुग्णालयात लहान मुले आणि गरोदर महिलांवर उपचार केले जातात. त्यामुळे या रुग्णालयात सर्वाधिक गरोदर महिला आहेत. रुग्णालयाच्या इमारतीतून सर्व गरोदर महिला आणि लहान मुलांना बाहेर काढण्यात आलं का, याबाबत कोणतीही अधिकृत माहिती हाती आलेली नाही.

रुग्णालयाच्या इमारतीच्या गच्चीवर काही नर्स असल्याची माहिती हाती आली आहे. मात्र, त्या नर्स सुरक्षित आहे की नाही, याबाबत कोणत्याही प्रकारची माहिती हाती आलेली नाही.

आग लागल्यानंतर घटनास्थळी अग्निशमन दलाचे तीन अग्निबंब घटनास्थळी पोहोचले आहेत. अग्निशमन दलाच्या जवानांनी आगीवर नियंत्रण मिळवलं आहे. या रुग्णालयातील कर्मचाऱ्यांना सुखरुप बाहेर काढण्याच यश मिळाल्याचं सांगण्यात आलं आहे. या आगीत रुग्णालयात मोठा जळून खाक झाला आहे.