एक संतापजनक घटना बंगळुरूमधून समोर येत आहे. एका नराधमानं रस्त्यावरील भटक्या कुत्र्यावर लैंगिक अत्याचार केला आहे. ही धक्कादायक घटना शुक्रवारी बंगळुरूच्या जयानगरमधील शालिनी मैदानाजवळ घडली आहे. नराधमानं कुत्र्यावर लैंगिक अत्याचार केल्यानंतर कुत्र्याच्या गुप्तांगावर ब्लेडनं कटही मारला आहे. या प्रकरणी आरोपीविरोधात पोलीस ठाण्यात गुन्हा दाखल करण्यात आला आहे.

कुत्र्यावर अत्याचार करणारा नराधम हा २३ वर्षांचा आहे. हा तरूण मुळचा बिहारमधील असल्याची माहिती समोर आली आहे. आरोपीनं कुत्र्यावर लैंगिक अत्याचार केल्यानंतर त्यानं गुप्तांगावर ब्लेडनं कट मारला. यामुळे कुत्रा जोरजोरात रडू लागला. कुत्र्याच्या विव्हळण्याचा आवाज आल्यानंतर हे प्रकरण उघडकीस आलं.

नराधम कुत्र्यासोबत अश्लील कृत्य करत असताना एका व्यक्तीनं पाहिलं. नराधमानं त्या व्यक्तीला पाहिल्यानंतर तेथून पळ काढला. नराधमाकडून अत्याचाराची घटना समोर आल्यानंतर प्राणीप्रेमींनी या संतापजनक घटनेविरोधात आवाज उठवला. तसेच आरोपीवर कठोर कारवाई करण्यात यावी अशी मागणी केली.

मिळालेल्या माहितीनुसार, नराधमानं दारू आणि गांजाच्या नशेत भटक्या कुत्र्यासोबत लैंगिक अत्याचार केला होता. प्राणीप्रेमींमुळे कुत्र्याचे प्राण वाचवण्यात यश आले आहे. डॉक्टरांकडून कुत्र्यावर प्राथमिक उपचार सुरू असून, या प्रकरणी जयनगर पोलीस ठाण्यात आरोपीविरोधात गुन्हा दाखल करण्यात आला आहे. पुढील तपास पोलीस करीत आहेत.