एका २७ वर्षीय विवाहित महिलेवर चाकूचा धाक दाखवून लैंगिक अत्याचार करण्यात आल्याची ह्रदयद्रावक घटना घडली आहे. आरोपीने आधी पतीला बांधले, नंतर मुलाच्या गळ्यावर चाकू ठेवला आणि विवाहित महिलेवर लैंगिक अत्याचार केला. ही धक्कादायक घटना तामिळनाडूतील तिरूपूर शहरात घडली आहे. या प्रकरणात आरोपींना पोलिसांनी अटक केली आहे.

नेमकं घडलं काय?

तिरूपूर जिल्याचे पोलीस अधिक्षक यादव गिरीश यांनी दिलेल्या माहितीनुसार, पीडित महिला ओडिशाची रहिवासी आहे. महिला आणि कुटुंबातील सदस्य लोकल गारमेण्ट फॅक्टरीमध्ये काम करतात. कुटुंबातील सदस्या आपल्या कामापासून आनंदीत नव्हते. १७ फेब्रुवारीला कुटुंबाची भेट आरोपींसोबत झाली होती.

आरोपीं व्यक्तीेंनी पीडित महिलेच्या कुटुंबाला नोकरीचे आमिष दाखवून एका खोलीत बोलावून घेतलं. आरोपी व्यक्तींनी रात्री पतीला बांधून ठेवलं. नंतर चाकूचा धाक दाखवत महिलेवर लैंगिक अत्याचार केला. पीडित महिलेने जेव्हा आरडाओरडा करत विरोध केला. तेव्हा त्यांनी महिलेच्या मुलाच्या गळ्यावर चाकू ठेवत धमकावण्याचा प्रयत्न केला.

या घटनेनंतर मंगळवारी सकाळी पीडित महिला आणि तिच्या पतीने तिरूपूर महिला पोलीस ठाण्यात गुन्हा दाखल केला. यानंतर पोलिसांनी तपास करत. २ आरोपी आणि एका १७ वर्षीय मुलाला अटक केली आहे. महिलेला उपचारासाठी शासकीय रूग्णालयात दाखल करण्यात आले आहे. या घटनेनंतर परिसराच एकच खळबळ उडाली आहे.