आसामच्या मुख्यमंत्रिपदी अपेक्षेनुसार हिमंत बिसवा सरमा हे विराजमान होणार आहेत. भाजपच्या बैठकीत सरमा यांच्या नावावर शिक्कामोर्तब करण्यात आलं. (bjp announces himanta biswa sarma as assam cm) जे. पी. नड्डा यांनी हिमंत बिसवा सरमा यांच्या नावाची घोषणा केली. १२ मे २०२६ रोजी सकाळी ११ वाजता सरमा हे तिसऱ्यांदा मुख्यमंत्रिपदाची शपथ घेतील.

भाजपने विधीमंडळ पक्षाच्या गटनेत्याची निवड करण्यासाठी माजी राष्ट्रीय अध्यक्ष जे. पी. नड्डा आणि हरयाणाचे मुख्यमंत्री नायब सिंह सैनी यांची पर्यवेक्षक म्हणून नेमणूक केली होती. आसाम भाजपच्या विधीमंडळ पक्षाची बैठक बोलावण्यात आली होती. त्यात औपचारिकरित्या गटनेत्याची निवड करण्यात आली. हिमंत बिसवा सरमा यांनी ६ मे रोजी मुख्यमंत्रिपदाचा राजीनामा दिला होता. सध्या ते प्रभारी मुख्यमंत्री म्हणून जबाबदारी सांभाळत आहेत. आता भाजपचे नवे सरकार स्थापन झाल्यानंतर ते सलग दुसऱ्यांदा मुख्यमंत्री होणार आहेत.

शपथविधी सोहळा कधी ?

आसाममध्ये भाजपचं सरकार स्थापन होणार असून, मुख्यमंत्रिपदी हिमंत बिसवा सरमा हे शपथ घेतील. (Himanta Biswa Sarma to Take Oath as Assam Chief Minister for Third Time) हा सोहळा १२ मे रोजी सकाळी ११ वाजता गुवाहाटीच्या खानापारा वेटरनरी कॉलेज फील्डवर आयोजित करण्यात येईल अशी शक्यता आहे. (assam chief minister oath ceremony date and time) या सोहळ्याला पंतप्रधान नरेंद्र मोदी, केंद्रीय गृहमंत्री अमित शहा, भाजपचे अनेक वरिष्ठ नेते उपस्थित राहण्याची शक्यता आहे. याशिवाय देशातील २२ राज्यांतील मुख्यमंत्र्यांना देखील या सोहळ्यासाठी निमंत्रित करण्यात आले आहे. आसाममध्ये पहिल्यांदा २०१६ मध्ये भाजपची सत्ता आली होती. त्यावेळी सर्बानंद सोनोवाल हे मुख्यमंत्री झाले होते. त्यानंतर २०२१ मध्ये हिमंत बिसवा सरमा यांनी मुख्यमंत्रिपदाची धुरा सांभाळली. आता २०२६ मध्ये विधानसभा निवडणुकीत भाजपनं पुन्हा मोठा विजय मिळवला आहे.

भाजपला मोठं यश

विधानसभा निवडणुकीची मतमोजणी ४ मे रोजी झाली. भाजपच्या नेतृत्वात एनडीएला मोठा विजय मिळाला. विधानसभेच्या १२६ जागांपैकी भाजपला ८२ जागांवर विजय मिळाला. काँग्रेसने १९ जागा जिंकल्या. तर बीओपीएफ या पक्षाला १० जागांवर विजय मिळाला. एआययूडीएफला फक्त २ जागाच जिंकता आल्या.