नवी दिल्ली : मलेशियातून अपघाताचं मोठं वृत्त समोर आलं आहे. मलेशियात नौदलाच्या दोन हेलिकॉप्टरची एकमेकांना धडक झाली. या दुर्घटनेत दहा लोकांचा मृत्यू झाला आहे. मलेशियाच्या नौदलाच्या वार्षिक कार्यक्रमाच्या सरावादरम्यान लष्काराचे दोन हेलिकॉप्टरची धडक झाली. या भीषण अपघातात १० जणांचा मृत्यू झाल्याने देशात खळबळ उडाली आहे.

नौदलाच्या सराव मंगळवारी लुमुटच्या रॉयल मलेशियन नेव्ही स्टेडियम सुरु होता. मलेशियातील दुर्देवी घटनेचा व्हिडिओ सोशल मीडयावर व्हायरल होत आहे. या व्हिडिओमध्ये दोन हेलिकॉप्टरची एकमेकांना धडक होताना दिसत आहे. हे दोन्ही हेलिकॉप्टर फेनेक एम502-6 आणि एचओएम एम503-3 चे होते.

पहिलं हेलिकॉप्टर क्रॅश होऊन स्टेडियमच्या पायऱ्यावर कोसळलं. तर दुसरं हेलिकॉप्टर हे स्विमिंग पुलात कोसळलं. मलेशियाच्या नौदलाचं याबाबत माहिती देताना म्हटलं की, 'नौदलाच्या ९० व्या स्थापनादिनानिमित्त तीन ते पाच मेच्या कार्यक्रमासाठी सैन्य परेडसाठी सराव सुरु होता. या दुर्घटनेत १० जणांचा मृत्यू झाल्याच्या वृत्ताला दुजोरा दिला आहे.

या अपघातातील काही सर्व लोक क्रू मेंबर होते. अपघातानंतर मृतदेह हे रुग्णालयात पाठविण्यात आली आहे. मलेशियाच्या स्थानिकवेळेनुसार, मंगळवारी सकाळी ९.३२ वाजता झाली.

या घटनेनंतर आयोगाने अपघाताची चौकशीसाठी समिती नेमली आहे. अशा घटना सातत्याने घडल्याने देशात चिंता व्यक्त करण्यात येत आहे. मागील महिन्यात अशीच घटना घडली होती. या घटनेत दोघांचा मृत्यू झाला होता. मागच्या वर्षी देखील अशीच घटना घडली. मात्र, त्यात कोणतीही जिवीतहानी झालेली नाही.