Rajasthan school roof collapse : राजस्थानच्या झालावाड जिल्ह्यात शुक्रवारी सकाळी दुर्दैवी घटना घडली आहे. मनोहर ठाणे विधानसभा क्षेत्रातील एका गावात मुसळधार पावसामुळे शाळेचं छत कोसळल्याची घटना घडली आहे. या दुर्घटनेत ३० विद्यार्थी जखमी झाले आहेत. तर जखमींना तातडीने रुग्णालयात दाखल केले आहे. तर आतापर्यंत या दुर्घटनेत ६ जणांचा मृत्यू झाला आहे.

राजस्थानच्या झालावाड जिल्ह्यातील पिपलोड गावात ही दुर्घटना घडली आहे. शाळेत सकाळी प्रार्थना सुरु असताना ही दुर्घटना घडल्याची माहिती मिळत आहे. आतापर्यंत या दुर्घटनत ६ जणांचा मृत्यू झाल्याची माहिती मिळत आहे. तर छत कोसळल्यानंतर सुरुवातीला शाळेतील ६० विद्यार्थी ढिगाऱ्याखाली दबले गेले.त्यातील अनेकांना बाहेर काढण्यात आले. या दुर्घटनेत काही विद्यार्थी गंभीर जखमी झाले. त्यांना तातडीने रुग्णालयात दाखल करण्यात आले आहे.

नेमकं काय घडलं?

शाळेच्या भवनचा एक मोठा भाग अचानक कोसळला. या दुर्घटनेत अनेक विद्यार्थी ढिगाऱ्याखाली दबले गेले. स्थानिकांना माहिती मिळताच घटनास्थळी पोहोचले. त्यानंतर जेसीबी मशीनच्या साहाय्याने ढिगारा हटवण्याचं काम सुरु केलं. या घटनेनंतर बचत पथक देखील घटनास्थळी पोहोचलं.

मिळालेल्या माहितीनुसार, शाळेतील दुर्घटनेत ढिगाऱ्याखाली अडकलेल्या विद्यार्थ्यांमध्ये इयत्ता सातवीचे विद्यार्थी होते. इयत्ता सातवीच्या वर्गात ७० विद्यार्थी होते. त्यातील १५ जण ढिगाऱ्याखाली अडकले. तर आताही रेस्क्यू ऑपरेशन सुरु आहे.

शिक्षण मंत्री मदन दिलावर यांनी सांगितलं की, 'प्राथमिक आणि माध्यमिक जिल्हा शिक्षण अधिकारी घटनास्थळी पोहोचले आहेत.जिल्हाधिकारी देखील घटनास्थळी पोहोचले आहेत. शिक्षण मंत्री यांनी ३ विद्यार्थ्यांच्या मृत्यूला दुजोरा दिला आहे. तर काहींवर रुग्णालयात उपचार सुरु आहेत.