राजकोटमध्ये गेमिंग झोनमध्ये आग लागल्यामुळे जवळपास ३५ जणांचा मृत्यू झालाय. आता नेमकी ही आग कशामुळे लागली, असा प्रश्न निर्माण होत आहे. या संदर्भात एक सीसीटीव्ही फुटेज समोर येत आहे. गेमिंग झोनमध्ये लागलेल्या आगीचा सीसीटीव्ही फुटेज व्हिडिओ सध्या सोशल मीडियावर वेगात व्हायरल होत आहे. वेल्डिंगचं काम सुरू असताना ही आग लागल्याचं व्हिडिओमध्ये दिसत आहे.

व्हिडिओमध्ये दिसतंय की, घटनास्थळी वेल्डिंगचं काम सुरू होतं. तेव्हा एक ठिणगी प्लास्टिकच्या ढिगाऱ्यावर पडली. तिचं रुपांतर भीषण आगीत झालंय. अगदी थोड्याच वेळात आगीनं भीषण रूप धारण केलं (Rajkot TRP Game Zone Fire CCTV) होतं. तेथील कामगारांनी ही आग विझवण्याचा प्रयत्न केला होता. परंतु त्यांना यश मिळालं नाही. काही क्षणांमध्ये संपूर्ण गेमिंग झोन जळून खाक झाल्याचं समोर आलंय.

हा व्हिडिओ @ians_india या X अकाउंटवर शेअर करण्यात आला आहे. १ मिनीट आणि ३६ सेकंदाचा हा व्हिडिओ दिसत आहे. फायबर आणि गेमिंग झोनमध्ये असलेल्या पेट्रोलमुळे ही आग (Rajkot Game Zone Fire Update) जास्त भडकल्याचं सांगितलं जात आहे. गेमिंग झोनमध्ये दुरूस्तीचं काम सुरू होतं. त्यावेळी वेल्डिंगचं काम करताना ही आग भडकली. आगीत अडकलेल्या लोकांचा जळून कोळसा झाला होता. घटनेचा तपास करण्यासाठी एसआयटीची स्थापना केल्याचं समोर आलं आहे.

गुजरातच्या राजकोटमध्ये टीआरपी गेमिंग झोनमध्ये २५ मे रोजी भीषण अग्नीतांडव झालं. या प्रकरणी पोलिसांनी रविवारी गेम झोनच्या मालकास आणि व्यवस्थापकास सदोष मनुष्यवधाच्या आरोपाखाली अटक (Rajkot Game Zone Fire Video) केली आहे. या दुर्घटनेत ३५ जणांचा मृत्यू झालाय. मृतांमध्ये लहान मुलांचा देखील समावेश आहे. गेमिंग साइटवर लागलेल्या आगीचा सीसीटीव्ही फुटेज समोर आलं आहे. वेल्डिंग काम करताना आग भडकल्याचं व्हिडिओमध्ये दिसत आहे.

राजकोट टीआरपी गेमिंग झोन आग प्रकरणी राज्य सरकारने मोठी कारवाई (Gujrat News) केली आहे. याप्रकरणी सरकारने सहा अधिकाऱ्यांना निलंबित केलं आहे. नगरपालिका आणि सार्वजनिक बांधकाम विभागाच्या अधिकाऱ्यांचं निलंबन केलं आहे. मुख्यमंत्री भूपेंद्र पटेल यांच्या दौऱ्यानंतर सरकारनं ही कारवाई केली आहे.