नवी दिल्ली : भारतीय सराफ बाजारात आज, सोने-चांदीच्या दरात उसळी पाहायला मिळाली. सोन्याच्या दर आज प्रति तोळा ५६ हजार रुपये पार गेला आहे. तर चांदीचा भाव ६४ हजार रुपयाहून अधिक प्रति किलो एवढा झाला आहे. (Latest marathi News)

'इंडिया बुलियन ज्वेलर्स असोसिएशन'च्या नुसार, शुक्रवारी २४ कॅरेट शुद्ध सोन्याचा (Gold) भाव ५६,१०३ रुपये प्रति तोळा झाला आहे. तर आज सकाळी ५६,१०८ रुपये इतका झाला होता. शुद्धतेच्या आधारावर सोने-चांदीच्या (Silver) दरात उसळी पाहायला मिळत आहे.

सोने-चांदीचा आजचा भाव काय?

'ibjarates.com' वेबसाईटनुसार, सोमवारी सकाळी ९९५ शुद्धता असणारं सोन्याचा भाव ५५,८८३ रुपये इतका झाला आहे. तर ९१६ शुद्धता असणारं सोन्याचा भाव आज ५१, ३९५ रुपये इतके झाला आहे.

७५० शुद्धता असणारं सोन्याचा भाव ४२,०८१ रुपये इतका झाला आहे. तर ५८५ शुद्धता असणारं सोन्याचा भाव हा ३२८२३ रुपये इतका झाला आहे. तर एक किलो चांदीचा भाव आज ६४,२९३ रुपये इतका झाला आहे.

सोन्या-चांदीच्या (Gold And Silver) किंमती तुम्ही घरात बसूनही चेक करु शकता. इंडियन बुलियन अँड ज्वेलर्स असोसिएशननुसार, 8955664433 या क्रमांकावर मिस्ड कॉल देऊन तुम्हाला भाव चेक करता येईल. ज्या क्रमांकावरुन तुम्ही मॅसेज पाठवाल त्यावर किंमतींचा संदेश येईल.

शुद्ध सोने कसे ओळखावे?

सोन्याची शुद्धता तपासायची असेल, तर त्यासाठी सरकारने एक अ‍ॅप बनवले आहे. बीआयएस केअर (BIS Care) अ‍ॅपद्वारे ग्राहक सोन्याची शुद्धता तपासू शकतात. या अ‍ॅपपद्वारे तुम्ही केवळ सोन्याची शुद्धता तपासू शकत नाही, तर त्याच्याशी संबंधित कोणतीही तक्रारही करू शकता. हे अ‍ॅप आपल्याला प्रत्येक प्रकारे मदत करते.