तृतीयपंथीयांचे गुरु बनण्यासाठी आणि तृतीयपंथीयांच्या गुरूंना अडकवण्यासाठी एकानं कट रचला. या कटात काही तृतीयपंथी देखील सामील होते. यासाठी एकानं गुप्तांग कापलं आणि गुरूंना अडकवण्याचा प्लॅन आखला. पण पोलिसांच्या तपासात वेगळंच चित्र समोर आलं. ही धक्कादायक घटना उत्तर प्रदेशच्या गाझियाबादमधील शाहपूरच्या बम्‍हैटा गावात घडली आहे. या प्रकरणी पोलिसांनी कारवाई करत तीन आरोपींना अटक केली आहे.

पोलिसांनी दिलेल्या माहितीनुसार, संजय यादव याला तृतीयपंथीयांचे गुरु बनायचे होते. तो स्वतः काही तृतीयपंथीयांसोबत राहत होता. मात्र, तृतीयपंथीयांच्या नियमांनुसार, तृतीयपंथी बनण्यासाठी स्वतःचे प्रायव्हेट पार्ट कापावे लागते. त्याशिवाय तृतीयपंथीयांमधील ते सदस्य बनू नाही शकत.

यासाठी काही तृतीयपंथी आणि संजयने मिळून एक कट रचला. या कटात तृतीयपंथीयांच्या गुरूंना अडकवून त्यांना तुरुंगात पाठवण्याचा त्यांचा इरादा होता. कारण काही तृतीयपंथीयांसोबत त्यांचे आपापसात वैर होते.

रचलेल्या कटाप्रमाणे आणि संजयच्या सहमतीने त्याने तृतीयपंथी सहकाऱ्याच्या मदतीने ऑपरेशन केलं. याकामासाठी तानिया खानला संजयने १० हजार रुपये दिले होते.

यानंतर संजयचा मुलगा प्रिन्सने पोलिसांकडे पारो किन्नर विरोधात गुन्हा दाखल केला. वडिलांचा गुप्तांग कापल्याचा आरोप त्यानं केला. पोलिसांनी तपास केला असता, संजय आणि त्याच्या तृतीयपंथी सहकाऱ्यांनी मिळून हा कट रचला असल्याचं समोर आलं. आरोपींना अटक केल्यानंतर समोर आलेल्या खुलाशांमुळे पोलिसांनाही आश्चर्य वाटले. सध्या तिन्ही आरोपींना तुरुंगात पाठवण्यात आले आहे.