karpoori thakur :

मोदी सरकारने बिहारचे माजी मुख्यमंत्री कर्पूरी ठाकूर यांना भारतरत्न देण्याची घोषणा केली आहे. राष्ट्रपती भवनाने याबाबत अधिकृत माहिती दिली आहे. (Latest Marathi News)

राष्ट्रपती भवनाने जारी केलेल्या निवेदनात म्हटलं की, 'भारत सरकारला सांगताना अभिमान वाटत आहे की, देशातील सर्वोच्च नागरी पुरस्कार दिवंगत कर्पूरी ठाकूर यांना देण्यात येत आहे. ठाकूर हे भारतीय राजकारणातील प्रेरणादायी व्यक्तिमत्व होते. समाजातील वंचित घटकांच्या प्रगतीसाठी कर्पूरी ठाकूर यांनी आयुष्यभर योगदान दिलं'.

कर्पूरी ठाकूर यांचं बुधवारी १०० वी जयंती होणार आहे. त्याआधीच त्यांना भारतरत्न पुरस्काराने सन्मानित करण्याची घोषणा करण्यात आली आहे. जनता दल यूनाइटेड पक्षाने कर्पूरी ठाकूर यांना भारतरत्न देण्याची मागणी केली होती. या घोषणेनंतर जनता दल यूनाइटेडने मोदी सरकारचे आभार मानले आहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

३६ वर्षांच्या मेहनतीला यश

कर्पूरी ठाकूर यांचे पूत्र रामनाथ ठाकूर यांनी म्हटलं की, गेल्या ३६ वर्षांच्या मेहनतीचं यश मिळालं आहे. मी माझं कुटुंब आणि १५ कोटी लोकांकडून सरकारला आभार व्यक्त करतो'.

कोण आहेत कर्पूरी ठाकूर?

कर्पूरी ठाकूर यांचा जन्म बिहारच्या समस्तीपूर जिल्ह्यातील पितौझिया गावात जन्म झाला. पाटणात १९४० साली मॅट्रिक परीक्षा उत्तीर्ण झाले. त्यानंतर स्वातंत्र्याच्या चळवळीत भाग घेतला. कर्पूरी ठाकूर यांनी समाजवादाचा मार्ग निवडला. त्यांनी १९४२ साली महात्मा गांधी यांनी सुरु केलेल्या चळवळीतही सहभाग नोंदवला. त्यामुळे त्यांना तुरुंगातही जावं लागलं.

१९४५ साली तुरुंगातून बाहेर आल्यानंतर कर्पूरी ठाकूर हे समाजवादी आंदोलनाचे आश्वासक चेहरा झाले. पुढे त्यांनी समाजातील विषमताही दूर करण्यासही मोलाचा हातभार लावला. मागासवर्गीय, वंचित समाजातील लोकांसाठी त्यांनी काम केलं.