कर्नाटक: मंगळुरू पोलिसांचा एक व्हिडिओ सोशल मीडियावर व्हायरल (Viral Video) होत आहे. ज्यामध्ये एका पोलीस कर्मचाऱ्याने चोरट्याला फिल्मी स्टाईलमध्ये पकडले आहे. मिळालेल्या माहितीनुसार, पोलिसांनी मोबाईल चोरीच्या आरोपाखाली तिघांना अटक केली आहे.

वृत्तसंस्थाने दिलेल्या माहितीनुसार, मोबाईल चोरीची ही घटना बुधवारी घडली आहे. पोलिसांनी पाठलाग करून एका आरोपीला रंगेहात अटक केली आहे. त्यानंतर चौकशीत आणखी दोन आरोपींना अटक करण्यात यश आले आहे. वृत्तसंस्थेने ट्विटरवर ट्विट केलेल्या फोटोमध्ये पोलिस कर्मचारी गुन्हेगाराला पकडताना दिसत आहे. दुसर्‍या फोटोत गुन्हेगाराला अटक करतानाही दिसत आहे. (Police Arrested Mobile Snatchers In Filmy Style)

शहर पोलिस आयुक्त एन शशिकुमार यांनी दिलेल्या माहितीनुसार, पोलिसांनी दोन जणांना पळताना दिसले. त्यानंतर कारवाई करताना दोघांना पकडण्यात आले. चौकशीत एक व्यक्ती पीडित असल्याचे निष्पन्न झाले, तर दुसऱ्यावर मोबाईल हिसकावून घेतल्याचा आरोप आहे. पीडित महिला परप्रांतीय मजूर असून दोन-तीन जणांनी मिळून त्याचा मोबाईल हिसकावला. एकाला रंगेहाथ अटक करण्यात आली आणि दुसऱ्याला नंतर अटक करण्यात आली.

पोलिसांनी फिल्मी स्टाईलमध्ये आरोपीला पकडल्याचा व्हिडिओ सोशल मीडियावर चांगलाच व्हायरल होत आहे. व्हिडीओमध्ये दिसून येत आहे की, पोलिसांनी चोराला कसे पकडले आहे. त्यानंतर तो तिच्याकडून मोबाईल घेतो.