Madhya Pradesh News: मध्यप्रदेशमध्ये गुन्हेगारी विश्वात सतत्याने वाढ होत आहे. माणसांनी आपल्या रागावर नियंत्रण ठेवणं गरजेचं आहे. अन्यथा रागाच्याभरात व्यक्तीच्या हातून मोठ्या चूका होण्याची शक्यता असते. उत्तरप्रदेशच्या रीवा जिल्ह्यातून एक विचित्र घटना समोर आली आहे. आपल्या मुलीला शाळेत साफसफाई करायला सांगितल्याने वडलांनी शिक्षकाच्या बोटाचा चावा घेत बोट तोडलं आहे. (Latest Marathi News)

पोलिसांनी दिलेल्या माहितीनुसार, ४५ वर्षीय जगन्नाथ साहू असं आरोपी व्यक्तीचं नाव आहे. पोलिसांनी आरोपीला ताब्यात घेतलं आहे. मुलीच्या वडलांना अटक केल्यानंतर तिच्या कुटुंबीयांनी शिक्षकावर देखील कारावाई करण्याची मागणी केली आहे. यासाठी त्यांनी पोलीस स्टेशबाहेर आंदोलन देखील केलं.

नेमकं काय घडलं?

इयत्ता ७वीमध्ये शिकत असलेल्या या विद्यार्थिनीला शिक्षकाने साफसफाई करण्यास सांगितली होती. मात्र तिने सफाईसाठी नकार दिला. त्यामुळे शिक्षकाने तिला मारहाण केली. शाळेत घडलेला प्रकार विद्यार्थिनीने आपल्या घरी बाबांना सांगितला. हे सर्व ऐकून बाबांना फार राग आला. त्यामुळे मुलीच्या वडलांनी तातडीने शाळेत धाव घेतली.

माझ्या मुलीला का मारलं याचा जाब विचारत असताना दोघांमध्येही भांडणं सुरू झाली. काही वेळातच ही भांडणे हाणामारीत बदलली. यामध्ये मुलीच्या वडलांनी शिक्षकाच्या बोटाचा कडाडून चावा घेतला. यात शिक्षकाच्या बोटाचा काही भाग तुटला.