नवी दिल्ली : एअर इंडियाच्या एका विमानात बॉम्ब असल्याची मिळाली. केरळच्या तिरुवनंतपुरम विमानतळावर मुंबईहून आलेल्या एअर इंडियाच्या विमानात बॉम्ब ठेवल्याची धमकी मिळाली. त्यानंतर विमानतळावर एकच खळबळ उडाली. या धमकीनंतर तातडीने हायअलर्ट घोषित करण्यात आला.

एअर इंडियाचं विमान धमकी मिळाल्यानंतर सुरक्षित ठिकाणी उतरवण्यात आलं आहे. सध्या हे विमान एका सुरक्षित जागी वेगळं ठेवण्यात आलं आहे. या विमानातील १३५ प्रवाशांना सुखरुप बाहेर काढण्यात आलं आहे. अधिकारी वर्गाकडून या विमानाची तपसाणी करण्यात येणार आहे.

विमानतळाने स्पष्ट केले की, '२२ ऑगस्ट सकाळी ७.३० वाजता विमानात बॉम्ब ठेवल्याची धमकी मिळाली. त्यानंतर सकाळी ७.३६ वाजताच्या सुमारास तातडीने विमानतळ परिसरात हायअलर्ट जारी करण्यात आला. विमानाचं लँडिग व्यवस्थित रित्या झालं आहे. या धमकीनंतरही विमानतळावरील कारभार सुरळीत सुरु असल्याची माहिती मिळत आहे'.

मीडिया रिपोर्टनुसार, मुंबई-तिरुवनंतपुरम विमानाच्या पायलटने विमानतळाला एअर ट्रॅफिक कंट्रोल विभागाला बॉम्बच्या धमकीची माहिती दिली. इंडियाचं विमान हे तिरुवनंतपुरम विमानतळावर ८.१० वाजता लँड होणार होते. धमकीनंतर विमान तातडीने आणण्यात आलं.

मुंबईहून तिरुवनंतपुरमला आलेल्या विमानात १३५ प्रवासी होती. पायलटने विमानतळ प्रशासनाला माहिती कळवली. मात्र, पायलटला बॉम्बची धमकी कशी मिळाली, याची माहिती समोर आलेली नाही. पोलिसांच्या तपासणीनंतर ही बाब समोर येण्याची शक्यता आहे.