Elon Musk News : गेल्या वर्षी ट्विटर विकत घेतल्यानंतर एलोन मस्क सतत चर्चेत आहे. काही दिवसांपूर्वी एलोन मस्क ट्विटरच्या सीईओ पदाचा राजीनामा देणार असल्याची घोषणा केली होती. त्यानंतर ते नवीन सीईओच्या शोधात होते. अखेर एलोन मस्क यांनी आता ट्विटरच्या नव्या सीईओची घोषणा केली आहे. याबाबत त्यांनी ट्विट करून माहिती दिली आहे. 

एलोन मस्क (Elon Musk) यांनी त्याच्या पाळीव कुत्र्याला सीईओच्या (CEO) खुर्चीवर बसवलं आहे. तो इतर लोकांपेक्षा चांगला असल्याचं देखील मस्क यांनी ट्विटमध्ये (Twitter) म्हंटल आहे. दुसरा फोटो काढत मस्कने लिहिले आहे की नवीन सीईओ खूप चांगला आहे. तर तिसऱ्या फोटोमध्ये मस्कने त्यांच्या कुत्र्याचे कौतुक केले आहे. 

मस्कने त्याच्या शिबा इनू कुत्र्याचे काही फोटोही पोस्ट केले आहेत. फोटोमध्ये त्यांचा कुत्रा सीईओच्या खुर्चीवर बसलेला दिसत आहे. याशिवाय त्याने काळ्या रंगाचा स्वेटर परिधान केला आहे. त्यावर सीईओ लिहिलेले असून ट्विटरच्या सीईओबाबतची कागदपत्रेही समोरच्या टेबलावर दिसत आहेत. त्यात पंजाचे ठसेही दिसतात. त्याच्या टेबलावर एक छोटा लॅपटॉपही आहे, ज्यावर ट्विटरचा लोगो बनवला आहे. मस्क यांच्या या ट्विटवर लोक वेगवेगळ्या प्रतिक्रियाही देत ​​आहेत.