New Delhi News :

आम आदमी पक्षाचे अध्यक्ष आणि दिल्लीचे मुख्यमंत्री अरविंद केजरीवाल यांची आज ईडीकडून चौकशी केली जाणार आहे. दिल्ली दारू धोरणातील घोटाळा प्रकरणी ही चौकशी केली जाणार आहे. त्याआधीच अरविंद केजरीवाल यांना आणखी एक धक्का बसला आहे.

आप सरकारमधील आणखी एका मंत्र्यांच्या घरी EDने छापेमारी सुरू केली आहे. केजरीवाल सरकारमधील समाज कल्याण मंत्री राजकुमार आनंद यांच्या घरी ईडीने छापेमारी केली आहे.

राजकुमार आनंद यांच्याशी संबंधित इतर 9 ठिकाणीही छापेमारी सुरू असल्याची माहिती आहे. नेमकं कोणत्या प्रकरणात ही कारवाई सुरू आहे याची गुप्तता पाळण्यात आली आहे. यापूर्वी आपचे 2 मोठे नेते जेलमध्ये गेले आहेत. त्या पार्श्वभूमीवर ही मोठी घडामोड आहे.