Earthquake in Japan :

तैवाननंतर जपान आज भूकंपाच्या धक्क्यांनी पुन्हा एकदा हादरला आहे. जपानच्या होन्शु प्रांताच्या पूर्व किनाऱ्यावर गुरुवारी म्हणजेच 4 एप्रिलला भूकंपाचे जबरदस्त धक्के जाणवले. रिश्टर स्केलवर या भूकंपाची तीव्रता 6.3 इतकी मोजली गेली आहे. भूकंपाच्या केंद्राची खोली 32 किमी होती. भूकंपाची तीव्रता इतकी होती की याचे धक्के चीनमध्येही जाणवले. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तैवानमधील भूकंपात 9 जणांचा मृत्यू

जपानचा शेजारील देश तैवानमध्ये बुधवारी शक्तीशाली  भूकंप झाला आहे. तैवानमध्ये झालेल्या भूकंपाची तीव्रता 7.5 रिश्टर स्केल इतकी मोजली गेली आहे. यामध्ये 9 जणांचा मृत्यू झाल्याची माहिती देखील समोर आहे. तर अनेक इमारतींचंही नुकसान झालं. (Latest Marathi News)

तैवानमध्ये आलेल्या भूकंपानंतर जपानमध्ये त्सुनामीचा इशाला हवामान विभागाने दिला आहे. ओकिनावा प्रांतासाठी त्सुनामीचा इशारा जारी करण्यात आला आहे. लोकांना किनारपट्टीपासून दूर राहून उंच ठिकाणी जाण्याच्या सूचना देण्यात आल्या आहेत.

दोन दिवसांपूर्वी जपानमध्ये 6.1 तीव्रतेचा भूकंप

दोन दिवसांपूर्वी 2 एप्रिलला उत्तर जपानमधील इवाते आणि आओमोरी प्रांतात भूकंपाचे धक्के जाणवले. या भूकंपाची तीव्रता 6.1 रिश्टर स्केल एवढी होती. भूकंपाचा केंद्रबिंदू इवाते प्रांताचा उत्तर किनारपट्टी भाग होता.