हिमाचल प्रदेशातील चंबा येथे भूकंपाचे तिव्र धक्के जाणवले आहेत. रिश्टर स्केलवर या भूकंपाची तिव्रता 5.3 इतकी मोजली गेली आहे. अद्याप कोणत्याही जीवित किंवा मालमत्तेची हानी झाल्याची माहिती समोर आलेली नाही. हिमाचलमध्ये भूकंपाचे धक्के जाणवण्याच्या काही मिनिटांपूर्वी जम्मू-काश्मीरमध्येही भूकंपाचे धक्के जाणवले आहे. भूकंपाचे केंद्र जमिनीच्या पृष्ठभागापासून सुमारे 10 किमी खाली आहे. अनेक भागात भूकंपाचे रात्री ९.३४ च्या सुमारास तिव्र धक्के जाणवले.नॅशनल सेंटर फॉर सिस्मॉलॉजी विभागाने यांसंदर्भात माहिती दिली आहे.
मनालीमध्ये राहणाऱ्या लोकांनी सांगितलं की, त्यांना भूकंपाचे जोरदार धक्के जाणवले. भूकंपाचे धक्के काही सेकंदांसाठीच आले पण ते खूप तीव्र होते, त्यानंतर लोक घराबाहेर पडले. तैवानमध्ये ३ मार्च रोजी ७.४ रिश्टर स्केलचा भूकंप झाला होता ज्यात अनेकांना आपला जीव गमवावा लागला होता.गेल्या 25 वर्षांतील हा सर्वात शक्तिशाली भूकंप होता. तैवानमध्ये आलेल्या भूकंपानंतर दुसऱ्याचं दिवशी भारतात हिमालचल प्रदेश आणि जम्मू काश्मीरमध्ये भूंकप आला आहे. हिमालय आणि आजूबाजूच्या प्रदेशात गेल्या ६ महिन्यांपासून सातत्यांने भूकंप येतायेत. शास्त्रज्ञांनी याबाबत चिंता व्यक्त केली आहे.
(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
तैवान भूकंपाचा केंद्रबिंदू हुआलियन काउंटीच्या किनारपट्टी भागात होता. भूकंपामुळे तैपेईमध्ये 150 किमी अंतरापर्यंत नुकसान झाले आहे. या भूकंपात ९ जणांचा मृत्यू झाला असून ९३४ लोक जखमी झाले आहेत. भूकंपाचा केंद्रबिंदू हुआलियनच्या दक्षिण-नैऋत्येस सुमारे 35 किलोमीटर भूगर्भात असल्याचे सांगण्यात आले. या भूकंपात तैपेईच्या दक्षिणेला असलेल्या मुख्य विमानतळाच्या काही भागाचेही नुकसान झाले आहे. या भूकंपामुळे अनेक इमारतीही जमीनदोस्त झाल्या आहेत.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.